دەربارەی زانکۆ
زاكۆى پۆلیته‌كنیكى سلێمانى کە ئەندامە لە یەکێتى زانکۆکانى جیهان وە یەکێتى زانکۆکانى ولاتانى عەرەبى، سه‌ره‌تا به‌ناوى (ده‌سته‌ى په‌یمانگا ته‌كنیكیه‌كان) له 1996 دامه‌زراوه، دواتر له ساڵى 2003 دا ناوه‌كه‌ى گۆرا به (ده‌سته‌ى خوێندنى ته‌كنیكى سلێمانى). ئامانجى سه‌ره‌كیش له‌دامه‌زراندنى، بۆ سه‌رپه‌رشتى كردنى خوێندنى ته‌كنیكى له كوردستاندا ده‌گه‌ڕێته‌وه، كه به لایه‌نێكى گرنگ و سه‌ره‌كى له خوێندنى باڵا ئه‌ژمار ده‌كرێت، ئه‌ركیكى سه‌ره‌كى زانكۆ كه له ڕێگاى 8 په‌یمانگا و 4 كۆلێجه‌وه ئه‌نجام ده‌درێت، پێگه‌یاندنى پسپۆرو كادرى ناوه‌ندى ته‌كنیكى یه بۆ گه‌شه‌پێدانى كۆمه‌ڵ و دام و ده‌زگاكانى حكومه‌ت و كه‌رتى تایبه‌ت، له‌پاڵ سه‌رپه‌رشتى كردنى كارگێرى په‌یمانگا وكۆلێجه ته‌كنیكیه‌كان كه ده‌كه‌ونه سنورى پارێزگاى سلێمانى و گه‌رمیان.
