دەربارەی پەیمانگا
پەیمانگای تەكنیكی سلێمانی لە ساڵی 1973 لە شـاری سلێمانی دامەزراوە تا ساڵی 1980 – 1981 بەردەوام بووە.وە لەگەڵ راگواستنی زانكۆی سلێمانی بۆ پارێزگای هەولێر لە ساڵی 1981 ئەم پەیمانگایەش هەڵوەشایەوەو بەشە زانستییەكانی بەسەر پەیمانگاكانی (موصل وبەغداو عمارە ) دا دابەشكران ،پاشان بە پێی بڕیاری ژمارە 619 لە بەرواری (22/6/1988) بۆ جاری دووەم دامەزرایەوە ئەمەش بە هەڵوەشاندنەوەی پەیمانگای تەندروستیی باڵا ( معهد الصحە العالی ) ی سەر بە وەزارەتی تەندروستیی و دواتر لكاندنی بە دەستەی پەیمانگا تەكنیكییەكانی سەر بە وەزارەتی خوێندنی باڵاو توێژینەوەی زانستی .لە یەكەم ساڵی خوێندنی (1988 – 1989 ) یەك بەشی پزیشكی بەناوی بەشی تەكنیكاریی تەندروستیی و ساڵی دواتر بەشەكانی (پەرستاری و میكانیك و كاڕگێڕیی گەنجینە) كرانەوەو بەشی تەكنیكاریی تەندروستیی لە ساڵی خوێندنی (1990 – 1991 ) گۆڕِا بە بەشی تەندروستیی كۆمەڵ (صحە المجتمع ) .
