زانکۆی پۆلیتەکنیکی سلێمانی یەکەم جار بە ناوی دەستەی خوێندنی تەکنیکی دامەزرا لە ساڵی ١٩٩٦ . دواتر بەگوێرەی زیادبوونی خواستی گشتی و کۆمەڵگە چەندین کۆلێژو پەیمانگەی تری بۆ زیادکرا تاکو دواجار کرا بە زانکۆی پۆلیتەکنیکی سلێمانی لە ساڵی ٢٠١٢، وە لە ئێستادا زانکۆی پۆلیتەکنیکی سلێمانی ئەندامی یەکێتی زانکۆکانی جیهان و یەکێتی زانکۆکانی عەرەبیە. کەمپی سەرەکی زانکۆ کە لە ٤ کۆلێژ و  ٣ پەیمانگە پێکهاتووە، دەکەوێتە ناوەندی شاری سلێمانی، هاوکات کۆلێژێک و ٤ پەیمانگە دەکەوێتە شارۆچکەکانی دوکان، هەڵەبجە، چەمچەماڵ، دەربەندیخان. بە وەرگرتنی زیاتر لە 15,000 خوێندکار، زانکۆی پۆلیتەکنیکی سلێمانی بڕوانامەی بەکالۆریۆس و دیبلۆم لە ٧٢ پسپۆڕی جیاوازی وەک (پزیشکی و تەندروستی، ئەندازیاری، کشتوکاڵ، کارگێڕی، تەکنەلۆژیای زانیاری، کۆمپیوتەر، و زانستە تەکنەلۆجی و پراکتیکیەکان) لە ٥ کۆلێژی تەکنیکی و 7 پەیمانگەی تەکنیکی دەبەخشێت بە دەرچووان.

زیاتر بخوێنەرەوە >>