پەیمانگای تەکنیکی بەکرەجۆ، یەکێکە لە ناوەندە ئەکادیمیەکانی زانکۆی پۆلیتەکنیکی سلێمانی،لە ئێستاد خاوەنی ستافێکی دوو سەدو حەفتاو هەشت کەسیە لە کەسانی ئەکادیمی و فەرمانبەر،نزیکەی دوو سەدو پەنجا خوێندکاری بە هەردوو سیستەمی زانکۆلاین و پارالێڵ لەم پەیمانگایە خوێندکارن،پەیمانگای تەکنیکی بەکرەجۆ جیاواز لە پەیمانگاکانی تر لە ئێستادا خاوەنی پێنج بەشی زانستیە ” بەشی کارگێڕی ئەلکترۆنی،بەشی دیزاینی باخچەکان،بەشی زانستی خۆراک و کۆنترۆڵی جۆری،بەشی کشتوکاڵی داپۆشراو،بەشی زانستی هەنگ،لە روی ستافی ئەکادیمیەوە هەوڵمانداوە هەمیشە کارمەندەکانمان بڕونامەی ماستەرو دکتۆرا بە دەست بێنن و کار ئاسانیمان بۆ کردون،هەمیشە هەوڵمانداوە مامۆستاکانمان لە باشترین مامۆستاکانی سنوری سلێمانی بن،خوێندکارەکانمان بە شاهیدی کەرتی گشتی و تایبەتی لە نمونەی کارمەندی باش و بە سەلیقەیان لێ دەرچووە،کەشێکی وامان رەخساندوە بۆ خوێندکار کە لە پاڵ خوێندنەکەییان بەشداری چالاکی پەیمانگا و ڤیستیڤاڵی ساڵانەو چالاکیە ئەکادیمی و زانستیەکان بکەن،بە شانازییەوە لە گەڵ تیمێک لە کارمەندە دڵسۆزەکانمان هەمیشە وەکو یەک خێزان کارمان بۆ پێشخستنی پەیمانگا کردوە،چاومان لەوەیە لە ئایندەدا پەیمانگای تەکنیکی بەکرەجۆ بکەینە کۆلێژ یاخود چەند پەیمانگایەکی تری بۆ زیاد بکەین و بیکەینە کەمپی پەیمانگا تەکنیکیەکانی سلێمانی زیاتر فراوانی بکەین،هەروەها کارمان لە سەر ئەوە کردوە پەیمانگا لە گەڵ بازاڕی کاردا بگونجێنین.
ڕاگری پەیمانگا
پرۆفیسۆری یاریدەدەر دکتۆر کاوە رەزا
