سه‌نته‌ری توێژینه‌وه‌ی زانکۆی پۆلیتەکنیکی سلێمانی و به‌ئامانجی بڵاوكردنه‌وه‌ی نوێترین توێژینه‌وه‌و زانیاری له‌سه‌ر خۆڵ و ئاوی هه‌رێمی كوردستان و گرنگیدان به‌سامانی ئاوو به‌تایبه‌ت له‌ئێستادا كه كێشه‌ی كه‌می ئاو سه‌ریهه‌ڵداوه، سیمینارێكی زانستی به‌ڕێوه‌چوو:
كاتژمێر 11 ی پێشنیوه‌ڕۆی ئه‌مڕۆ چوارشه‌ممه 15 ی حوزه‌یرانی 2022 له‌هۆڵی پیره‌مێرد له‌سه‌رۆكایه‌تی زانكۆی پۆلیته‌كنیكی سلێمانی و به‌ئاماده‌بوونی ژماره‌یه‌ك له توێژه‌ران ، سه‌نته‌ری توێژینه‌وه‌ی زانكۆ سیمینارێكی زانستی به‌ناونیشانی ( لابردنی مادده قورسه‌كان له‌ئاوی پیسبوو به‌به‌كارهێنانی مادده‌ی مژه‌ری هه‌رزان) (Removal of Heavy Metals from wastewater using low costs adsorbent ) بۆ (د.علی محمد صاڵح) سازكرد. له‌سیمیناره‌كه‌دا توێژه‌ر باسی له هه‌وڵه‌كان كرد بۆ ئه‌نجامدانی كاری توێژینه‌وه به‌مه‌به‌ستی پاككردنه‌وه‌ی ئاوی خواردنه‌وه له مادده قورس و زیان به‌خشه‌كان و ڕایگه‌یاند كه ئه‌وان كاریان له‌سه‌ر ناوچه‌ی گه‌رمیان كردووه‌و بۆیان ده‌ركه‌وتووه كه له‌توانادا هه‌یه لایه‌نه په‌یوه‌ندیداره‌كان به كاری لابردنی مادده قورسه‌كان هه‌ستن كه له‌ئێستادا زۆربه‌ی كه‌ره‌سته سه‌ره‌تاییه‌كان له ووڵاتانی ده‌ره‌وه هاورده ده‌كرێن.
