IELC لە بینایەکی مۆدێرن و گونجاودایە کە پۆل و تاقیگەی کۆمپیوتەر و کەرەستە و ئامێری فێرکاری پێویست و گونجاوی بینراو و بیستراوی تێدایە. هەر لە سەرەتای دامەزراندنیەوە تاکو ئێستا، IELC بەردەوامە لە پێشکەش کرنی خولی ڕاهێنانی زمان بە کەسانی ئەکادیمی و کارمەندان و خوێندکارانی ناوەوە و دەرەوەی زانکۆی پۆلیتەکنیکی سلێمانی بە هاوکاری مامۆستای شارەزا و ستافی بەڕێوەبردنی کارامەوە. سەرەڕای ئەوەش، خولی توانستی زمانی ئینگلیزی پێشکەش بە کاندیدەکانی خوێندنی باڵا و ئەو خوێندکارانە دەکات کە درێژە بە خوێندنی ئەکادیمی دەدەن و هەروەها مامۆستایانی زانکۆ کە هەوڵدەدەن نازناوی زانستی بە دەست بهێنن. هەروەها IELC کۆرسی زمانی ئینگلیزی ئەکادیمی پێشکەش بە خوێندکارانی خوێندنی باڵا دەکات کە تێیدا. پەرە بە توانا ئەکادیمی و زمانەوانیەکانیان دەدرێت بۆ سەرکەوتنیان لە خوێندنی ئەکادیمیدا. IELC سەرپەرشتی کۆرسی فاوندەیشنی زمانی ئینگلیزی دەکات کە لە سەر ئاستی زانکۆ بەڕێوە دەچێت و ئامانج لێی فێرکردنی خوێندکارانی قۆناغی یەکەمی بەکالۆریۆسە لە کۆلێژ و پەیمانگەکان. IELC ناوەندێکی تاقیکردنەوەی ڕێگەپێدراوە لەلایەن ئەنجومەنی ڕۆشنبیری بەریتانیەوە بۆ پێشکەشکردنی تاقیکردنەوەکانی IELTS وەک (IELTS Regular، UKVI، Life Skills) لە پارێزگای سلێمانی.
ئەرک:
بۆ دابینکردنی خزمەتگوزاری فێرکردن و ڕاهێنان بە کوالیتی بەرز بۆ فێرخوازانی زمانی ئینگلیزی بە مەبەستی پەرەپێدانی تواناکانیان و بەرزکردنەوەی کارامەییەکانیان تاکو ببنە ئەندامێکی کارامە لە کۆمەڵگەدا.
دیدگا:
IELC هەوڵدەدات یارمەتی فێرخوازانی زمانی ئینگلیزی بدات، لە ناوەوە و دەرەوەی SPU لە ڕێیی بەهێزکردنی کارامەیی و تواناکانیانەوە بۆ ئەوەی داهاتوویەکی گەش بۆ خۆیان و کۆمەڵگاکەیان بەدیبهێنن.
ئامانجەکان:
IELC بۆ بەدیهێنانی چەندین ئامانج دامەزراوە لەوانە:
- پێشکەشکردنی خولی زمانی ئینگلیزی بۆ کەسانی ئەکادیمی و فەرمانبەران، و خوێندکاران لە ناوەوە و دەرەوەی زانکۆی پۆلیتەکنیکی سلێمانی.
- بۆ فێرکردنی زمانی ئینگلیزی و ئاشناکردنی فێرخوازان بە تواناکانی زمان (واتە قسەکردن، گوێگرتن، نووسین، خوێندنەوە، ڕێزمان).
- ئامادەکردنی خولی زمانی ئینگلیزی بە پێی پێویست بۆ فێرخوازانی زمانی ئینگلیزی.
- ئەنجامدانی خولی چڕ لە ڕاهێنانی خوێندکاران و توێژەران لەسەر شێوازی نووسینی توێژینەوە و دابینکردنی کارامەیی ئەکادیمی و زمانەوانی کە بتوانن بە شێوەیەکی کاریگەر توێژینەوە ئەکادیمییەکان بنوسن.
