ڕووپێوی

ڕووپێوی ئەو زانستەیە کە بەدوای ڕێگەی جیاوازدا دەگەڕێت بۆ نواندنی ڕووی زەوی و ئەوەی تێدایە لە تایبەتمەندییە سروشتی و دروستکراوەکان لەسەر نەخشەیەک بە پێوەرێکی دیاریکراو. بەشی ڕووپێوی لە پەیمانگای تەکنیکی دەربەندیخان لە ساڵی 2011 دامەزراوە، بەشەکە ستافێک بۆ بازاڕی کار دابین دەکات کە ڕاهێنانیان لەسەر بەکارهێنانی ئامێری پێشکەوتووی ڕووپێوی کردووە دەتوانرێت دەستی کار لەو بوارەدا بۆ بازار دابین بکات.

ئەرک:

ئامانجی بەشەکەمان ئامادەکردنی ستافێکی شارەزا لە ڕووی زانستی و کردەیی لە بواری ڕووپێویدا کە توانای ڕکابەریی بازاڕی کاریان هەبێت بەپێی ستانداردە نێودەوڵەتییە پەسەندکراوەکان.

دیدگا:

بەشەکەمان کار دەکات لە پێناو بە دیهێنانی ئامانجەکانی لە ڕێی ئامادەکردنی خوێندکار لە ڕووی پەروەردەیی و زانستی یەوە بۆ ئەوەی ببن بە تەکنیکارێک کە ئامادەیییان هەبێت بۆ کارکردن و پسپۆربن لە بواری ڕووپێوی گشتی.

زانیاری گشتی:

دەرچووانی بەشی ڕووپێوی دەتوانن لە سەرجەم دامودەزگاکانی دەوڵەت بە تایبەتی ئەوانەی پەیوەندییان بە پرۆژەی ئەندازیارییەوە هەیە، وەک ڕووپێوکار کار بکەن بەمەبەستی دیاریکردنی خاڵەکانی تاپۆ و ڕووپێوی ڕێگاوبانەکان و حیسابکردنی قەبارەی کاری زەوی لە بڕین و پڕکردنەوە. جگە لەوەش دەرچوان دەتوانن لە بواری تۆڕی جیۆدێتیک و ڕێکخستن و چاودێریکردنی بەنداوەکان و پڕۆژە گەورەکان کاربکەن.

دەرئەنجامی خوێندن:       

1-ئەنجامدانی پێوانەکانی کاری مەیدانی لەسەر بنەمای ئامێری پێشکەوتووی ڕووپێوی.

2-ئەنجامدانی کاری ئۆفیس بۆ ئەنجامدانی حیساباتی پێویست لە دیاریکردنی ناوچە و شوێن و قەبارە بە پشتبەستن بە وێنەی ئاسمانی و وێنەی مانگی دەستکرد.

3- ئامادەکردنی نەخشە لە وێنەی ئاسمانی و داتای وێنەیی (هەوا و بۆشایی) بە بەکارهێنانی ئامێری رووپێوی  پێویست یان بەکارهێنانی بەرنامەی ئامادەکراو کە بە مەبەستی پرۆسێسکردنی وێنەی مانگی دەستکرد و دەرهێنانی هەموو شتێک کە پەیوەندی بە تایبەتمەندییە سروشتییەکانی زەویەوە هەیە.

4- ئامادەکردنی نەخشەی دیجیتاڵی بۆ کۆکردنەوە و چاودێری و هەڵگرتن و پرۆسێس و نوێکردنەوە و شیکردنەوەی داتاکان و پیشاندانی هەموو زانیاری و دەرهێنانی نەخشەی بابەتیی بە بەکارهێنانی سیستەمی GIS.