کارگێڕی کار

کارگێڕی کار یەکێکە لە بەشەکانی پەیمانگا و لە شارەزاییەکانی بەڕێوەبردنە کە ستافی شارەزا وە تایبەتمەند دابین دەکات بۆ هەم ڕێکخراوە حکومییەکان و هەم کۆمپانیا تایبەتەکان بۆ خزمەتکردن لە پێشەنگایەتیکردن، بەڕێوەبردن و گەشەسەندنی کۆمەڵگادا.

سروشتی کارکردن لەم بوارەدا بریتییە لە کارکردن لە بەڕێوەبردنی سەرچاوەکان و کات و کەسەکانی ناو ڕێکخراوە بە شێوەیەکی کاریگەر و کارا، ڕۆڵ و ئەرک و لێهاتوویی پێویست و دەرفەتی جیاواز بۆ گەشەکردن لەخۆبگرێت. بە سادەیی کارگێری کار کار دەکات بۆ دڵنیابوون لەوەی کە ڕێکخراوەکان بەشێوەیەکی قازانج بەڕێوەدەبرێن.

ئەو خزمەتگوزارییانەی کە پێشکەشی دەکات بریتین لە:

1. ئامادەکردنی ڕاپۆرتی خولیی
2. پەیوەندی لەگەڵ و پێشکەشکردنی پشتگیری ئۆفیس لە خزمەتکردنی کڕیارەکان.
3. داڕشتن و جێبەجێکردنی ئامانج و ڕێکار و سیاسەتی ڕێکخراوەیی
4. بەڕێوەبردنی چالاکییە گشتیەکانی پەیوەست بە بەرهەمهێنان و فرۆشتن و خزمەتگوزارییەکان.
5. چاودێریکردن و ڕێکخستنی چالاکییەکانی ڕۆژانە
6. دڵنیابوون لەوەی کە کارمەند لە پاڵنەردا دەمێنێتەوە بۆ ڕاکێشان و ڕاگرتنی باشترین هێزی کار لە ڕێکخراوەکەدا.

دیدگا:

دیدگامان پێشەنگ بین لە پەرەپێدانی بەهرە و بیرۆکەی بازرگانی کە گەشەکردن و داهێنان دروست دەکات و ئامادەکردنی کادیری کارگێڕی شارەزا بە مەبەستی خزمەتکردنی کەرتی گشتی (رێکخراوە حکومییەکان) و ڕێکخراوە تایبەتەکان.

ئەرک:

بەشەکە هەوڵدەدات کارمەندانی کارگێڕی شارەزا بۆ بازاڕ دابین بکات کە توانای کارکردنیان هەبێت لە بواری بەڕێوەبردن و بازاڕگەری و بەڕێوەبردنی سەرچاوە مرۆییەکان و ئەرکە کارگێڕییەکانی تر بۆ ئەوەی ڕێکخراوەکان بتوانن ڕکابەری بکەن لە بازاڕی کاردا، بەشەکەمان هەوڵدەدات پەروەردەیەکی کارگێری کوالیتی بەرز پێشکەش بکات لە ڕێگەی پەروەردەی ئەزموونییەوە، مەنهەجێکی پەیوەندیدار، و بەشدارییە زانستییەکان، ئێمە پەرەپێدانی فیکری و پیشەیی خوێندکاران بەرەوپێش دەبەین لە ڕێگەی جەختکردنەوە لەسەر پەیوەندیکردن، بیرکردنەوەی ڕەخنەگرانە و شیکاری، هاوکاری، بەڕێوەبردنی زانیاری و بەرکەوتنێکی فراوان بە دیسیپلینە سەرەکییەکانی بەرێوەبردنەوە. هەروەها، ئێمە پابەندین بە بەرپرسیارێتی و لێپرسینەوە لە کارەکانمان لە هەموو ئاستەکاندا، لەوانەش هەڵسەنگاندن و باشترکردنی بەردەوامی بەرنامە ئەکادیمییەکانمان.

دەرەنجامەکان:

ئامانجی بەشەکە دابینکردنی کارمەندانی کارگێڕی شارەزا لە بازاڕدا کە توانای کارکردنیان لە بواری بەڕێوەبردندا هەبێت و باشترین خزمەتگوزاری پێشکەش بە ڕێکخراوە گشتی و تایبەتەکان بکات.

ئامانجەکان:

لە کۆتایی خوێندنەکەدا خوێندکاران دەتوانن:

1. تێگەیشتن لە هەموو لایەنە زانستی و ئەکادیمییەکانی تایبەتمەند لەم بوارەدا.
2. زانیاری تەواویان هەیە لە بوارەکانی بەڕێوەبردن، و تەکنیکێکی پێویست بۆ ئەنجامدانی ئەرکەکان.
3. بەدەستهێنانی بابەت و بنەما تیۆریەکان بۆ پراکتیزەکردن لە خزمەتکردنی کەرتی گشتی و تایبەت.
4. ئەنجامدانی توێژینەوەی زانستی لێهاتوو لە بواری بەڕێوەبردن.

پسپۆڕیەکانی ئەم بەشە:

1. خوێندن لەم بەشەدا دوو ساڵە، کە وانەی تیۆری و پراکتیکی لەخۆدەگرێت.
2. خوێندکار بڕوانامەی دبلۆمی تەکنیکی بەدەست دەهێنێت و وەک کارمەند دادەمەزرێت
3. خوێندکارانی دەرچووی پۆلەکانی کۆتایی ئامادەیی دەتوانن بچنە ناو ئەم بەشەوە بۆ بەدەستهێنانی بڕوانامەی دبلۆم.
4. دەرچووانی ئەم بەشە دەتوانن لە هەموو کەرتە حکومی و تایبەتەکاندا کار بکەن.
5. دەرچووانی ئەم بەشە دەتوانن خوێندنی بەکالۆریۆس لە ناوخۆی وڵات لە کارگێڕی کاردا تەواو بکەن.