بەشی زانستی تاقیگەی پزیشکی، سەرەتا لە ساڵی ٢٠١٩ لە کۆلێجی تەکنیکی هەڵەبجە لە زانکۆی پۆلیتەکنیکی سلێمانی دامەزراوە. خوێندن لەم بەشە بە سیستەمی بۆلۆنیایە دەبێت. یەکەم خولی دەرچوونی ساڵی خوێندنی ٢٠٢٢-٢٠٢٣ بوو وە تا ئێستا دوو خولی دەرچوونی هەبووە. یەکەم بەشی پزیشکی بووە لە کۆلێجەکەماندا. ستافی ئەم بەشە پێکهاتووە لە پرۆفیسۆرێک ودوو پرۆفیسۆری یاریدەدەر و شەش ماستەر. لەتاقیگەکانی ئەم بەشە پێکهاتووە لە تاقیگەکانی مۆلیکیولەر بایۆلۆجی و مایکرۆبایۆلۆجی و هێماتۆلۆجی و فیسیۆلۆجی و بایۆکیمستری.
پەیامی بەش:
پێگەیاندنی کادری پسپۆڕ و شارەزا لەسەر ئاستی بەکالۆریۆس و خوێندنی باڵادا لە بواری تاقیگەی پزیشکی بە شارەزایی و زانیاری سەردەم بە نوێترین زانیاری و تەکنەلۆجیا.
دیدی بەش:
بەش کاردەکات بۆ پەرەپێدانی خوێندنی تەکنیکی و پیشەیی لە ڕووی چەندایەتی و چۆنایەتی یەوە کە لە ئاست پێداویستییەکانی کۆمەڵگادا بێت لە بوارە جیاوازەکانی تاقیگەی پزیشکیدا.
ئامانجی بەش:
پێگەیاندنی کادری تەکنیکی خاوەن بڕوانامەی بەکالۆریۆس. گرێدانی بەش بە کۆمەڵگاوە بە پێدانی خزمەت و ڕاوێژکاری زانستی و پیشەیی. پێگەیاندنی کادری زانستی کە تایبەتمەندی توێژینەوەی هەبێت لە تاقیگە پزیشکییەکاندا.
بواری کار:
دەرچووانی ئەم بەشە هەلی کاریان بۆ دەڕەخسێ لە تاقیگە پزیشکی یەکانی کەرتی تایبەتی و کەرتی گشتی. وە هەروەها هەلی درێژەدانی خوێندنیان دەبێت لە خوێندنی باڵا.
پێشکەشکارانی بەش:
دەرچووانی پۆلی دوانزەی زانستی بەشێوەی کرێدیت و پارالێڵ وە دەرچووانی پەیمانگا پزیشکییەکانی زانستی تاقیگەی پزیشکی و شیکاری نەخۆشیەکان.
