دوابەدوای گۆرینی دەستەی خوێندنی تەكنیكی سلێمانی بۆ زانكۆی پۆلیتەكنیكی سلێمانی و دامەزراندنی كۆلێجی تەكنیكی كارگێری، لە چوارچێوه‌ی گرنگیدان بەبواری راگەیاندن و میدیا، ساڵی 2013 بەشی تەكنیكی میدیا كرایەوە.
ئامانجی باش:
پێگەیاندنی كادری پسپۆر و كارامە لە بواری راگەیاندندا، كە شارەزایی هەبێت لە سەرپەرشتی كردن و بەڕێوەبردن و بەرهەمهێنانی سەرجەم هونەرو تەکنیکەکانی کاری رۆژنامەوانیی نووسراو، بیستراو و بینراو لە دامەزراوە باوەکانی راگەیاندن(چاپەمەنیی،ئێزگە، تەلەڤیزیۆن) و میدیای نوێ(ماڵپەڕی ئەلیکترۆنی، وێب TV، پێگە فەرمییەکانی سۆشیال میدیا). پێناساندنی خوێندكاران بە بنەما و یاسا و ئیتیكییەكانی راگەیاندن و چۆنیەتی گەیاندنی هەواڵ و زانیاری و پەیوەندیكردن به‌شێوه‌یه‌کی زانستی و ئه‌کادیمی، بەكارهێنانی ته‌کنیکی نوێی بەرهەمهێنانی ناوەڕۆکی میدیایی لە كاری راگەیاندندا.
ئەو کارانەی خوێندکاری بەشی تەکنیکی میدیا ئەنجامی دەدات پاش دەرچوون:
1. توانای كاركردنی دەبێت لەبواری راگەیاندن لە كەرتی گشتی وتایبەتدا لە هەردوو لایەنی تیۆری و پراكتیكی.
- بەرێوەبردن وسەرپەرشتیكردنی هۆبە و یەكەكانی راگەیاندن لە دامودەزگاو فەرمانگە و سەرجەم كەناڵەكانی راگەیاندندا.
- ئامادەكردنی راپۆرت و ریپۆرتاژ و روماڵكردنی هەواڵ و ریكلام كردن و گشت كارە میدیایەكان بە شێوازی ئەكادیمی.
- ئەنجامدانی كاری وێنەگرتن و گرافیك و مۆنتاژ كردن بە شێوەیەكی زانستیانە.
بۆ پرسیاركردن له‌باره‌ى پرۆسه‌ى پێشكه‌شكردن بۆ به‌شى میدیا تكایه په‌یوه‌ندى به‌م ژماره مۆبایل و ئیمه‌یله‌وه بكه:
ژماره‌ى په‌یوه‌ندى: 009647701928769
ئیمه‌یل: sherko.jabar@spu.edu.iq
ناونیشان: 413چوارچرا، شه‌قامى چوارچرا، سلێمانى، هه‌رێمى كوردستان، عێراق
