تەکنیکی کارگێڕی

پرۆگرامی خوێندن و په‌روه‌رده‌ بۆ بروانامه‌ى (به‌كالوریوس ،دبلۆمی باڵا ماسته‌ر و دكتۆرا ) وه‌ هه‌روه‌ها نزیك بوونه‌وه‌ و كاركردن له‌گه‌ڵ زانكۆ جیهانیه‌ پێشكه‌وتووه‌كان وتێكه‌ڵ بوون له‌گه‌ڵ بازاڕى كار و ڕێكخراوه‌كانى كۆمه‌ڵگاى مه‌ده‌نى.به‌شه‌كه‌مان خاوه‌نى (27) مامۆستایه‌ له‌ هه‌ڵگرانى هەریەك لە بڕوانامه‌ى دكتۆرا كه‌ ژماره‌یان (7) مامۆستایە ، وه‌ ژماره‌ى هه‌ڵگرانى ماسته‌ر (20) مامۆستایه‌. كه ‌به‌م شێوه‌یه‌ى لاى خواره‌وه‌ پۆلین بوون بۆ نازناو و خویندنیان له‌ ئێستادا :

له‌ نازناوی پڕۆفیسۆر (1) مامۆستا، نازناوى پرۆفیسۆرى یاریده‌ده‌ر( 6) مامۆستا، 3 هه‌ڵگرى بروانامه‌ى دكتوران 3 هه‌ڵگرى بڕوانامه‌ى ماسته‌رن،  نازناوی مامۆستا (8) مامۆستان، دوانیان هەڵگری بڕوانامەی دکتۆران وە شەشیان هەڵگری بڕوانامەی ماستەرن.  وە نازناوی مامۆستای یاریدەدەر (12) مامۆستان.( 5 مامۆستا خوێندکاری دکتۆران لە دەرەوەی ووڵات دەخوێنن)،

(3 مامۆستا خوێندکاری دکتۆران لە ناوەوەی ووڵات دەخوێنن).

لە ساڵی (2018 – 2019) یەکەم خولی کردنەوەی ماستەر دەستی پێکردوە کە تا ئێستا بەردەوامە وە (5) خول کراوەتەوە 11 خوێندکاری دەرچوومان هەیە لەو بوارەدا.
وه‌ له‌ ساڵى 2020-2021 یه‌كه‌م خولى دبلۆمی باڵا ده‌ستى پێكردوه‌ كه‌ ( 4) خویندكار وه‌رگیراوه‌ وه‌ (2) خوێندكار هه‌ڵگری بڕوانامه‌ى دبلۆمی باڵان له‌ به‌شه‌كه‌ماندا.
وه‌ له‌و بواره‌دا له‌ هه‌وڵ و به‌رده‌وامیداین له‌ كردنه‌وه‌ى خولی ترى دبلۆمی باڵا وماسته‌ر ودكتور

دید:

بەدیهێنانی پێشەنگی لەم پێشکەشکردنی چارەسەری تەکنیکی داهێنراو کە خزمەت بە کارگێڕی کار بکات وە بەشداربێت لە بنیاتنانی کۆمەڵگایەکی تەندروست و پێشکاوتوو.

پەیام

ئامادەکردنی گەنجانی پیشەیی و تەکنیکی بە توانا و خاوەن زانینی تەکنیکی و کارگێڕی بۆ پێشخستن و جێبەجێکردنی چارەسەری تەکنیکی کە پاڵپشت بێت بۆ گەشەسەندنی بەردەوام بۆ کارەکان لە بوارە جیاوازەکاندا.

دەربارەی به‌ش:

به‌شى ته‌كنیكى كارگێڕیى كار یه‌كێكه‌ له‌ به‌شه‌ زانستییه‌كانى كۆلێجى ته‌كنیكى كارگێڕی له‌ساڵى (2003-2004)ه‌وه‌ دامه‌زراوه‌و له‌و كاته‌وه‌ هه‌تا ئێستا به‌رده‌وامه‌ له‌كاركردن و پێگه‌یاندنى خوێندكاران، به‌ئامانجى ئاماده‌كردنى ده‌رچووانى له‌پسپۆڕى كارگێڕیدا كه‌ بتوانن لێپرسراوێتى هه‌ڵبگرن بۆ كاركردن‌و ببنه‌ خاوه‌ن ئه‌زموون‌ و كارامه ‌و شاره‌زا بۆ هه‌ر ده‌زگاو كۆمپانیایه‌ك كه‌ پێویستى به‌ پسپۆڕییان هه‌بێت
لە ڕووی پیشەییەوە خوێندکار لە کاتی دامەزراندنیدا زیاتر بە ناوونیشانی (یاریدەدەری تێبینەر) دادەمەزرێت لە کەرتی گشتیدا وە هه‌موو بوارێكى كارگێڕی ده‌توانێت له‌ئه‌ستۆ بگرێت هه‌تا له‌كاتى نه‌بوونى دامه‌زراندن دوابه‌دواى ده‌رچوونیان راسته‌وخۆ له‌كه‌رتى تایبه‌ت شوێنیان دیاره‌‌و كاریان بۆ فه‌راهه‌م كراوه، واتە چانسى زۆر گه‌وره‌ى هه‌یه‌ له‌كاركردن له‌كه‌رتى تایبه‌تدا به‌ رێژه‌یه‌كى به‌رز چونكه‌ هه‌موو دامه‌زراوه‌یه‌ك پێویستی به‌م پسپۆڕییه‌ هه‌یه.‌

ئامانجه‌ سه‌ره‌كییه‌كانى به‌ش:

پێگه‌یاندنى كادیرو سه‌ركرده‌ى كارگێڕی لێهاتوو پسپۆڕو شاره‌زا بۆ پێداویستییه‌كانى جومگه‌كانى دامه‌زراوه‌كان‌و بازاڕى كار له‌ده‌زگاكانى حكومه‌تى هه‌رێمى كوردستاندا بۆ سه‌رپه‌رشتى‌و به‌ره‌وپێشبردنى ره‌وڕه‌وه‌ى كاروانى ئاوه‌دانى له‌و پسپۆڕییه‌ نوێیانه‌ى له‌سه‌رده‌ستى مامۆستایان پێیان وتراوه‌ته‌وه‌ تاخزمه‌تى زیاترى وڵات بكه‌ن‌و رێچكه‌ى پیشه‌ى خوێندنى ته‌كنیكى كارگێرى گه‌شه‌ پێبده‌ن.

 هه‌روه‌ها پێگه‌یاندنى بۆ كه‌رتى تایبه‌ت بۆ مامه‌ڵه‌كردن له‌گه‌ڵ ته‌كنیكى نوێى سه‌رده‌م له‌بوارى ته‌كنیكى كارگێڕیدا. له‌لایه‌كى تره‌وه‌، هه‌وڵده‌دات بۆ به‌ره‌وپێشبردنى دامه‌زراوه‌كان له‌ڕێى ده‌رچووه‌كانیه‌وه‌ بۆ به‌رزكردنه‌وه‌ى ئاستى كوالیتى كاركردن له‌ بازاڕى كاردا‌و گۆڕانكاریى له‌هه‌ڵسوكه‌وتى مامه‌ڵه‌كردن كه‌ له‌گه‌ڵ گۆڕانكارییه‌كانى ژینگه‌ى كاركردندا بگونجێت.

گرنگى به‌ش له‌نێو كۆمه‌ڵگە:‌

گرنگى به‌ش په‌یوه‌سته‌ به‌وه‌ى ره‌نگدانه‌وه‌ى هه‌بێ به‌وه‌ى بتوانرێ له‌ دواى ده‌رچوون ده‌رچووانى ئه‌م به‌شه‌ هه‌لى كاریان بۆ بڕه‌خسێت، هه‌روه‌ك ئاشكرایه‌ ئه‌م به‌شه‌ یه‌كێكه‌ له‌و به‌شه‌ زانستیانه‌ى كه‌ بوارى ئیشكردنى هه‌یه‌ له‌هه‌موو داموده‌زگایه‌ك چ كه‌رتى تایبه‌ت بێت یان كه‌رتى حكومى وه‌كو ناسراوه‌ هیچ شوێنێك نییه‌ له‌ناو بازاڕى كاردا به‌بێ بوونى پسپۆڕى كارگێڕى.

کۆرسەکانی بەش:

خوێندن لەم بەشەدا چوار ساڵە

سمستەر: 8  سمستەر بۆ ماوەی چوار ساڵ

سیستەمی خوێندن: سیستەمی بۆڵۆنیا

قۆناغەکانی خوێندن بەم شێوەیەی خوارەوەیە:

قۆناغی یەکەم: بە هەردوو سمستەری یەک و دوو ئەو بابەتانەی کە دەخوێندرێت تیایدا شێوازێکی گشتی وەردەگرێت واتە وەرگرتنی بابەتی ئابوری و بیرکاری و کۆمپوتەر و ئامار و زمانی ئینگلیزی.

قۆناغی دووەم: بە هەردوو سمستەری سێیەم و چوارەم بەشێک لە وانەکان گشتیە و بەشێک لە وانەکانی تر تایبەتن بە بواری کارگێری.

قۆناغی سێیەم و چوارەم: هەردوکیان تایبەتمەندە بە بواری پسپۆڕی کارگێری کاردا.

زمانی خوێندن لەم بەشەدا:

زمانی کوردی و عەرەبی و ئینگلیزی

بڕوانامەی بە دەستهاتوو:

بڕوانامەی بەکالۆریۆس لە تەکنیکی کارگێری کاردا