کورتەیەک لەسەر بەش:
بەشی تۆڕەکانی کۆمپیوتەر سەر بەکۆلێجی تەکنیکی ئینفۆرماتیکە و خوێندن تیایدا چوار ساڵە. شوێنی سەرۆک بەش و بڕیاردەرەکەی لە بینای کۆلێجدایە و یەک هۆڵی خوێندنی هەیە کە لەناو بینای کۆلێجە، لەگەڵ دوو تاقیگەی کۆمپیوتەر یەکێکیان بیست و ئەوی دیکە چل لاپتۆپی تیادایە.
کورتەیەکى مێژووى لەسەر بەش:
بەشی تۆڕەکانی کۆمپیوتەر لە ساڵی ٢٠١٣-٢٠١٤ لەگەڵ دامەزراندنی کۆلێجەکەدا دامەزراوە بە ناوی (بەڕێوەبردنی تۆڕەکان)ەوە و خوێندکارەکان لە پۆلی دووهەم وەرگیراون چوونکە دەرچووی پەیمانگەبوون و بەپێی سیستمی پۆلیتەکنیکی ئەوکاتە چونەتە قۆناغی دووهەم، دواتر ناوی بەشەکە گۆڕاوە بۆ (تۆڕەکانی کۆمپیوتەر) . یەکەم وەجبەی دەرچووی بەش تەنها (٩) نۆخوێندکاربووەکە لە ساڵی ٢٠١٥-٢٠١٦ بڕوانامەی دەرچونیان وەرگرتووە.
ئامانجى کردنەوەى بەش:
بریتییە لە پێگەیاندنی خویندکار بۆ کۆمەڵگە کە لە بواری نێتۆرکینگ شارەزایی تەواویای هەبێت تا بتوانن کاری تەکنیکی لە بازاڕی کارو شوێنە حکومی و تایبەتەکان سەرپەرشتی بکەن.
گرنگى بەش لە بازاردا:
لە ڕۆژگاری ئەمڕۆدا نزیکەی هەموو شوێنە گشتی و تایبەتەکان بە بەجیهانی بوندا تێدەپەڕێت، بۆئەم مەبەستەش هاووڵاتییان پێویستیان بە خزمەتگوزاری وەک ئینتەرنێت دەبێت. بۆ بەردەست خستن و چارەسەری کێشەکانی ئینتەرنێت، شارەزایانی ئەم بوارە کەسی یەکەم دەبن لە وەگەڕخستنی خزمەتگوزارییەکی سودبەخشی وەک ئینتەرنێت وبوارە جیاجیاکانی نێتۆرکینگ.
گرنگى بەش لە نێو گۆمەڵگەدا:
کۆمەڵگە خۆشەویستەکەمان بەبێ بوونی شارەزایانی بواری نێتۆرکینگ ڕۆژانە ڕوبەڕوی گرفتی زۆری خزمەت گوزارییەکان دەبنەروە وەک پەیوەندی تەلەفۆنی، کامێرای سێکیوریتی، ئینتەرنێت و هەموو بوارە جۆراوجۆرەکانی دیکەی نێتوۆرکینگ. بۆیە دەرچووی بەشەکەمان سودی تەواو دەگەیەنن بە کۆمەڵگە بۆ بەڕێوەبردن و چارەسەری گرفتە تەکنیکییەکان کە ڕوبەڕوی هاووڵاتی دەبێتەوە.
خوێندکار کە تخرج دەکات دەتوانێت چ کارێک بگرێتە ئەستۆ:
١.بەستنی تۆڕی نێتۆرک بە وایەر و بێ وایەر.
٢.بونیاتنانی ڕاکێکی نمونەیی کە سویچ و ڕاوتەرو کەیبڵ مەنەجمێنتی لەخۆگرتبێت.
٣.سەرپەرشتی تۆڕی نێتۆرک.
٤.بەستنی کامێرای سێکیوریتی.
٥.بەستنی VOIP.
٦.دروستکردنی وێبسایت.
٧.دروستکردنی ئەپلیکەیشنی مۆبایل.
٨.دروستکردنی پڕۆگرام بە بەرنامەی Java.
٩.دروست کردنی داتابەیس بە هاوکاری بەرنامەی پڕۆگرامسازی Java.
