به‌شى ته‌كنه‌لۆجیاى داتابه‌یس سه‌ر به‌كۆلێجى ته‌كنیكى ئینفۆرماتیكى زانكۆى پۆلیته‌كنیكى سلێمانیه و خوێندن له‌م به‌شه‌دا (4) ساڵه , شوێنه‌كه‌ى ده‌كه‌وێته كه‌مپى نوێى چوار چرا له گه‌ڕه‌كى چوارچراى شارى سلێمانى ,خوێندن له هه‌ر چوار قۆناغه‌كه‌دا به‌شێوه‌ى پرۆسه‌ى (بۆڵۆنیا) یه , ئه‌م پرۆسه‌یه له ئێستادا له زیاتر له (80) ووڵات په‌یڕه‌و ده‌كرێت به‌مه‌به‌ستى ده‌سته‌به‌ركردنى بازاڕى كار بۆ خوێندكاران به‌شێوه‌یه‌ك كه ئه‌م فێرخوازانه‌ى له‌م كۆلێجه بڕوانامه وه‌رده‌گرن بتوانن به ئاسانترین شێوه له كه‌رتى تایبه‌ت و گشتیدا ڕۆڵى به‌رچاو و كارایان هه‌بێت .
كورته‌یه‌كى مێژووى له‌سه‌ر به‌شى ته‌كنه‌لۆجیاى داتابه‌یس:
ئه‌م به‌شه له ساڵى (2013 – 2014) دامه‌زراوه به‌ناوى به‌شى ته‌كنه‌لۆجیاى داتابه‌یس، هه‌ر له‌و ساڵه‌دا یه‌كه‌م وه‌جبه‌ى خوێندكارى وه‌رگرت له قۆناغى دووه‌م، ئه‌و خوێندكارانه‌ى له‌م ساڵه‌دا وه‌رگیران بریتیى بوون له‌و خوێندكارانه‌ى كه پێشتر یه‌كێك له په‌یمانگا ته‌كنه‌لۆجیه‌كانیان ته‌واو كردبوو، وه‌رگرتنیان به سیستمى پۆلیته‌كنیك بووه، یه‌كه‌م وه‌جبه‌ى ده‌رچوون له م به‌شه ساڵى (2015 – 2016) بووه و ژماره‌یان (12) خوێندكار بووه .
ئامانجى كردنه‌وه‌ى ئه‌م به‌شه:
ئامانج له كردنه‌وه‌ى ئه‌م به‌شه پێگه‌یاندنى كادرى شاره‌زایه له بوارى ته‌كنه‌لۆجیاى داتابه‌یس و به‌كارهێنانى ئه‌و ته‌كنه‌لۆجیایه له بوارى كه‌رتى تایبه‌ت و كه‌رتى گشتیدا .
گرنگى ئه‌م به‌شه له بازاڕدا:
به‌هۆى زیاد بوون وبه‌ره‌وپێشوونى به‌كارهێنانى ته‌كنه‌لۆجیا له‌سه‌رجه‌مه‌م كایه‌كانى ژیاندا و بازاڕ پێویستیه‌كى زۆرى هه‌یه به‌كه‌سانى شاره‌زا له‌و بواره‌دا، بۆیه زانستى ته‌كنه‌لۆجیاى داتابه‌یس و ئه‌و بابه‌تانه‌ى له‌م به‌شه ده‌خوێنرێت گرنگیه‌كى زۆرى هه‌یه له‌بازاڕى كاردا.
گرنگى ئه‌م به‌شه له كۆمه‌گادا:
له‌به‌ر ئه‌وه‌ى ته‌كنه‌لۆجیاى داتابه‌یس به شێوه‌یه‌كى به‌رچاو كاریگه‌رى ڕاسته‌وخۆى هه‌یه له سه‌رجه‌م جومگه‌كانى به‌ڕێوبردن و بازرگانیدا وه كارى كه‌رتى تایبه‌ت و گشتى به‌شێوه‌یه‌كى به‌رچاو ئاسان كردووه , بۆیه پێویسته كه‌سانى شاره‌زاو و به ئه‌زمون له‌م بواره‌دا پێبگه‌ێنرێت تا بتوانرێت هه‌ر تاكێك به‌پێى ئه‌و شاره‌زاییه‌ى هه‌یه‌تى له‌و بواره‌دا سود به كۆمه‌ڵگا بگه‌ێنێت و وه ئه‌و كار و پیشانه‌ى كه پێشتر به‌بێ بوونى ته‌كنه‌لۆجیا ئه‌نجام ده‌دران هه‌م كاتى زۆرتر و تێچووى زیاترى ده‌ویست , به‌ڵام به ده‌ركه‌وتن و به‌ره‌و پێشچوونى ته‌كنه‌لۆجیا به گشتى ئه‌م كارانه به‌ره‌و پێشچوونى ته‌واوى به‌خۆیه‌وه بینى.
