Back

 

بەڕێوەبەرایەتى یاسایی بەڕێوەبەرایەتییەکە سەر بەسەرۆکایەتى زانکۆى پۆلیتەکنیکى سلێمانییەو وە بەم کار و ئەرکە سەرەکییانەى لاى خوارەوە هەڵدەىستێت:-
1 : دابینکردنى پاڵپشتى زەمینەیی و یاسایی بۆ بەڕێز سەرۆکى زانکۆى پۆلی تەکنیکى سلێمانى و جێگرەکانى بەگشتى لەکاتى جێبەجێکردنى یاسا و رێنماییەکان و دەرکدنى فەرمان و نوسراوەکان و راپەڕاندنى کارەکانیان.
2 : پێشکەشکردنى رونکردنەوەو شیکردنەوەى یاسایی بۆ سەرۆکى زانکۆى پۆلیتەکنیک.
3 : پێشکەشکردنى ڕا و روونکردنەوەى یاسایی بۆ سەرۆکایەتى زانکۆ و بەڕێوەبەرایەتییەکانى سەر بە زانکۆ و کۆلێژ و پەیمانگاکانى سەر بە زانکۆکەمان.
4 : مسۆگەرکردنى هەماهەنگى لە کارى یاسایی و پێشکەشکردنى ڕاوێژ بۆ دابینکردنى پاڵپشتى یاسایی وە راپەڕاندنى کارە یاساییەکانى سەرۆکایەتى زانکۆ.
5 : بەشداریکردن لە هەموو لیژنە جۆراوجۆرەکان بۆ هەموو بابەتەکان بۆ دابینکردنى زەمینەى یاسایی لە کارەکان و راسپاردەکانى لیژنەکانى پێکهێنراو لە سەرۆکایەتى زانکۆ.
6 : وەرگرتنى سکاڵاى فەرمانبەران و هاوڵاتیان و خوێندکاران پاش پۆلێنکردنیان وە لێکۆڵینەوە لە بنەماى یاساییان وە ئەنجامدانى کارى پێویست بۆ چارەسەرکردنى کێشەکان بەشێوەی یاسایی بە هەماهەنگى لەگەڵ وەزارەتى خوێندنى باڵا و لایەنە پەیوەندیدارەکان.
گرنگى بەڕێوەبەرایەتى یاسایی سەرۆکایەتى زانکۆ : –
بەڕێوەبەرایەتى یاسایی رۆڵێکى کاریگەر دەگێڕێت لە سەرۆکایەتى زانکۆ ئەم رۆڵەش لە چەند لایەنى سەرەکى دەردەکەوێت کە بریتین لە : –
1 – بەڕێوەبەرایەتى یاسایی ئامڕازێکى گرنگى سەرۆکایەتى زانکۆیە بۆ دابینکردنى راوێژ و روونکردنەوەى یاسایی بۆ هەموو ئەو بابەتانەى کە ئاڕاستەى زانکۆ دەکرێت بۆ بڕیاردان لەسەرى ، ئەم بەڕێوەبەرایەتییە هەڵدەستێت بە هەڵسەنگاندن و شیکردنەوەى ئەو بابەتانە لە رووى یاساییەوە پێش ئەوەى لە لایەن سەرۆکایەتى زانکۆوە بڕیارى لەسەر بدرێت.
2 – بەڕێوەبەرایەتى یاسایی هەڵدەستێت بە دانان و خوێندنەوەى یاسایی بۆ ئەو پرۆژە و رێنمایی و پەیڕەوانەى کە لەلایەن سەرۆکایەتى زانکۆوە ئاڕاستەى بەڕێوەبەرایەتى یاسایی دەکرێت وە هەروەها هەماهەنگى دەکات لەگەڵ لیژنە یاساییەکانى وەزارەتى خوێندنى باڵا بۆ دیراسەکردنى هەموو ئەو پڕۆژە و ڕێنماییانەى کە ئاڕاستەى سەرۆکایەتى زانکۆمان دەکرێت .
3 – بەڕێوەبەرایەتى یاسایی پاڵپشتى و راوێژى یاسایی پێشکەش دەکات بۆ دەرکردنى وە کاراکردنى وە جێبەجێکردنى بڕیارەکان وە ئەم لایەنانەش بریتین لە : –
1- سەرۆکى زانکۆ و جێگرەکانى سەرۆکى زانکۆ.
2- بەڕێوەبەرایەتییەکانى سەر بە زانکۆى پۆلیتەکنیک
3- کۆلێژ و پەیمانگاکانى سەر بە زانکۆى پۆلیتەکنیک

پێکهاتەى بەڕێوەبەرایەتى یاسایی : –
بەڕێوەبەرایەتى یاسایی پێکهاتووە لە دوو هۆبەى یاسایی کە ئەوانیش هەریەکە لە هۆبەى (گرێبەستەکان) و هۆبەى (راوێژکارى و بەدواداچوونى داواکان) دەگرێتەوە.
هۆبەى گرێبەستەکان :-
ئەم هۆبەیە هەڵدەستێت بە ئەنجامدانى ئەم کارانەى لاى خوارەوە:-
1 – جێبەجێکردنى یاسا و ڕێنماییەکانى گرێبەستى فەرمانبەرانی گرێبەست لەسەرۆکایەتى زانکۆ.
2 – وردبینیکردنى سەرجەم گرێبەستەکانى سەرۆکایەتى زانکۆ و کۆلێژ و پەیمانگاکانى سەر بە زانکۆى پۆلیتەکنیک
3 – وردبینیکردنى گرێبەستەکانى کڕینى کەلوپەل و خزمەتگوزارییەکان و گرێبەستى فەرمانبەران و ئۆتۆمبێلى سەر بەزانکۆکەمان.
4 – وردبینىکردنى گرێبەستەکانی ئەو خانوو باڵاخانانەى کە بەکرێ دەگیرێت بۆ سەرۆکایەتى زانکۆ.
5 – ئامادەکردنى تەندەر بۆ پڕۆژەکان.

هۆبەى راوێژکارى و بەدواداچوونى داواکان:-
ئەم هۆبەیە هەڵدەستێت بە ئەنجامدانى ئەم کارانەى لاى خوارەوە :-
1 – بەدواداچوونى چالاکى و کارەتەواوبووەکانى بەڕێوەبەرایەتى یاسایی و داڕشتن و بەرنامەى پلانى بەڕێوەبەرایەتى یاسایی.
2- چاپ کردنى فەرمان و نوسراو و کۆنووسی راپۆرتە یاساییەکان.
3 – بەشدارى کردنى بەڕێوەبەرایەتى یاسایی سەرۆکایەتى زانکۆمان لەگشت ئەو دادبینى و دادگایانەى کەپەیوەندى بەسەرۆکایەتى زانکۆوە هەبێت کەتێایاندا سەرۆکایەتى سەرۆکایەتى زانکۆمان سکاڵاکار بێت یاخود سکاڵاى لەسەر تۆمار کرابێت.
4 – بەدواداچوون بۆ هەر کێشەیەک کەپەیوەندى بەسەرۆکایەتى زانکۆمانەوە هەبێت بەشێوەى راستەوخۆ یان ناڕاستەوخۆ
5 – بەهێز کردن و پتەو کردنى پەیوەندییە یاساییەکانە بەڕێوەبەرایەتى یاسایی سەرۆکایەتى زانکۆ لەگەڵ بەڕێوەبەرایەتییە یاساییەکان و فەرمانگە یاساییەکانى وەزارەت و لایەنە بەستراوەکان بە وەزارەت بەمەبەستى ئاسانکارى لە کاروبارەکان و نەهێشتنى رێگرى لەبەردەم کارى یاسایی.

پلانى بەڕێوەبەرایەتى یاسا :-
1- پتەوکردنى هەماهەنگى نێوان سەرۆکایەتى زانکۆى پۆلیتەکنیکى سلێمانى لەگەڵ سەرجەم بەڕێوەبەرایەتییە یاساییەکانى زانکۆ و پەیمانگاکانى سەر بەوەزارەتى خوێندنى باڵا و توێژینەوەى زانستى و وەلەهەمان کاتدا لەگەڵ سەرجەم بەڕێوەبەرایەتییە یاساییەکانى فەرمانگەکانى حکومەتى هەرێمى کوردستان.
2 – کاراکردنى کارى بەڕێوەبەرایەتى یاسایی لەسەرۆکایەتى زانکۆوە هەوڵدان بۆ کاراکردنى هۆبە یاساییەکانى کۆلێژ و پەیمانگاکانى سەر بە زانکۆى پۆلیتەکنیک.

ناوى فەرمانبەرانى بەڕێوەبەرایەتى یاسایی سەرۆکایەتى زانکۆمان
زرنگ یحی سعيد / بەڕێوەبەرى كارو بارى یاسایی
1. گەشە أحمد حمە حسێن
2.هێژا ابو بکر سفر
3. نەبەز عوسمان حەمەعزیز
4. سه‌یوان جلیل شریف

هۆبەى گرێبەستەکان:
1. کابان کریم محمد/ لێپرسراوى هۆبە
2. ده‌ریا عزیز عبدالله
3. سازان محمد على
4. سکاڵا أحمد شریف

هۆبەى داواکان:
1. هاوژین أنور محمد/ لێپرسراوى هۆبە
2.ئه‌ڤره‌ست که‌مال عزیز
3. تارا حسن قادر
4. ماریا سلام علی