سیمینارێكی تایبەت بە تاقیكردنەوەی (IELTS_ TOFEL) بەڕێوەچوو
لە درێژەی پڕۆژە هاوبەشەكانی زانكۆی پۆلیتەكنیكی سلێمانی و ئەمریكان كۆرنەر سیمینارێكی تایبەت بە تاقیكردنەوەی (IELTS_ TOFEL) بەڕێوەچوو.
رۆژی 25-2-2018 لە هۆڵی سیمیناری كۆلێجی تەكنیكی كارگێڕی زانكۆی پۆلیتەكنیكی سلێمانی، بە ئامادەبوونی د.سۆران سەعید یاریدەدەری سەرۆكی زانكۆ بۆ كاروباری زانستی و ژمارەیەكی زۆر لە مامۆستا و خوێندكارانی كەمپی كۆلێجە تەكنییەكان و میوانی دەرەوەی كەمپەكە سیمینارێكی تایبەت بۆ (غەریب ساڵح) مامۆستای پەیمانگای نۆستاڵجیا بەڕێوەچوو، كە سیمینارەكە تایبەت بوو بە تاقیكردنەوەی (IELTS_ TOFEL).
لە سیمینارەكەدا بە وردی باس لە چۆنێتی ئەنجامدانی تاقیكردنەوەكە و شیكردنەوەی سەرجەم بابەتەكانی تاقیكردنەوە نێودەوڵەتییەكان كرا، كە لە ئێستادا پێداویستییەكی سەرەكییە بۆ خوێندن.
This shortcode LP Profile only use on the page Profile
