سیمینارێك له‌سه‌ر پلانی ته‌قاندنه‌وه‌ی سایلۆكه‌ی سلێمانی پێشكه‌شكرا
به‌مه‌به‌ستی ئاشكراكردنی چۆنێتی ده‌ستبه‌كاربوون له‌سه‌ر پرۆسه‌ی ته‌قاندنه‌وه‌ی سایلۆكه‌ی شاری سلێمانی و ڕونكردنه‌وه‌ی وورده‌كارییه‌كانی ، به‌ڕێوه‌به‌رایه‌تی ڕاگه‌یاندن و چالاكییه‌كانی زانكۆی پۆلیته‌كنیكی سلێمانی به هاوكاری كۆمپانیای (هیوا ڕه‌ئوف) بۆ وه‌به‌رهێنان و په‌ره‌پێدان سیمینارێكیان بۆ مامۆستایان و خوێندكارانی كۆلێجی ئه‌ندازیاری ڕێكخست.
نیوه‌ڕۆی ئه‌مڕۆ پێنجشه‌ممه 22 ی شوباتی 2018 له هۆڵی سیمیناری كه‌مپی كۆلیجه ته‌كنیكییه‌كانی زانكۆی پۆلیته‌كنیكی سلێمانی و به‌ئاماده‌بوونی مامۆستایان و ژماره‌یه‌كی به‌رچاو له خوێندكارانی كۆلێجی ئه‌ندازیاری، سیمینارێك بۆ ڕونكردنه‌وه‌ی چۆنێتی ته‌قاندنه‌وه‌ی سایلۆی سلێمانی به‌ڕێوه‌چوو.
سه‌ره‌تا له‌لایه‌ن ئازاد علی به‌ڕێوه‌به‌ری وه‌به‌رهێنان و په‌ره‌پێدان له كۆمپانیای هیوا ڕه‌ئوف كورته‌یه‌كی له‌سه‌ر كارو چالاكییه‌كانی كۆمپانیای ناوبراو باسكرد و دواتر له‌لایه‌ن ئه‌ندازیار ئاری احمد سه‌رپه‌رشتیاری پرۆسه‌ی ته‌قاندنه‌وه‌و دروستكردنی داون تاون له‌گه‌ڵ نمایشێكی ڤیدیۆی سه‌رجه‌م ورده‌كاری ده‌ستپێكردنی پرۆسه‌كه‌ی خسته ڕوو تا ڕۆژی 2 ی شوباتی 2018 و كۆتایی هاتنی پرۆسه‌كه به‌سه‌ركه‌وتویی،
پاشان له‌لایه‌ن سه‌رۆكایه‌تی زانكۆی پۆلیته‌كنیكی سلێمانییه‌وه سێ خه‌ڵاتی ڕێزلێنان به‌خشرایه كۆمپانیای هیوا ڕه‌ئوف و ده‌ستخۆشیان ئاراسته كرا له‌به‌رامبه‌ر سه‌ركه‌وتنی كاره‌كه‌یان.
له‌كۆتاییدا له‌لایه‌ن مامۆستایان و خوێندكارانه‌وه وێڕای ده‌ستخۆشی لێكردن چه‌ندین پرسیارو سه‌رنجی خۆیان ئاراسته‌ی به‌ڕێوه‌به‌رو سه‌رپه‌رشتیاری كاره‌كه كرد و له‌لایه‌ن سه‌رپه‌رشتیاره‌وه وه‌ڵام درانه‌وه.
This shortcode LP Profile only use on the page Profile
