خوێندكارانی كۆلیجی ته‌كنیكی ته‌ندروستی رۆژی جیهانی شه‌كره‌یان به‌رز نرخاند
رۆژی سێ شه‌ممه (2017/11/14) به بۆنه‌ی رۆژی جیهانی شه‌كره‌وه، خوێندكارانی كۆلیجی ته‌كنیكی ته‌ندروستی سه‌ر به زانكۆی پۆلیته‌كنیكی سلێمانی چه‌ند چالاكییه‌كی زانستی به‌و بۆنه‌یه‌وه ئه‌نجامدا.
كاتژمێر (9:30)ی سه‌رله‌به‌یانی سیمینارێك ده‌رباره‌ی نه‌خۆشی شه‌كره‌و نیشانه‌و خۆپاراستن و چاره‌سه‌ره‌كانی له‌لایه‌ن به‌ڕێز (د.بورهان تاهر) مامۆستای كۆلێجی ته‌كنیكی ته‌ندروستییه‌وه پێشكه‌شكرا، دواتر له‌لایه‌ن خوێندكارانی كۆلێجیه‌وه چه‌ند چالاكییه‌كی پراكتیكی بۆ دیاری كردنی رێژه‌ی شه‌كری خوێنی چه‌ندین ئاماده‌بوو ئه‌نجامدرا و به شێوه‌یه‌كی زانستیانه پشكنینی نه‌خۆشییه‌كه‌یان ده‌كرد و رێنمایی پێویستیان ده‌دا به ئاماده‌بووان و له‌داهاتووشدا ئه‌و داتایانه‌ی له ئه‌نجامی ئه‌و پشكنینانه‌ی كه خوێندكاره‌كان ئه‌نجامیانداوه به شێوه‌یه‌كی زانستی ده‌خه‌نه‌ڕوو.
كۆلێجی ته‌كنیكی ته‌ندروستی سلێمانی سه‌ر به زانكۆی پۆلیته‌كنیكی سلێمانییه‌و له سه‌رجه‌م چالاكییه ته‌ندروستییه‌كاندا شوێن ده‌ستیان دیاره‌و ساڵانه خوێندكارانیان له ئاستێكی به‌رزدا ده‌خه‌نه خزمه‌ت بواری ته‌ندروستی هه‌رێمی كوردستانه‌وه.
This shortcode LP Profile only use on the page Profile
