وۆركشۆپی تێكەڵكردنی كارامەییە سەوزو ژمارەییەكان بەڕێوەچوو
بەسەرپەرشتی وەزارەتی خوێندنی باڵاو توێژینەوەی زانستی و بە ئامادەبوونی نوێنەری حکومەتی عێراق، بەنوێنەرایەتی زانکۆی پۆلیتەکنیکی سلێمانی
هەریەک لە کۆلیجی تەکنیکی هەڵەبجەو پەیمانگەی تەكنەلۆجی سلێمانی لەڕۆژانی
(١٤ – ١٦ / حوزەیران / ٢٠٢٦) بەشدارییانکرد لە وۆركشۆپی پەرەپێدانی پلانی جێبەجێكردنی سیاسەتی وەزارەتی خوێندنی باڵاو پەروەردە لە هەرێمی كوردستان، تایبەت بە تێكەڵكردنی كارامەییە سەوزو ژمارەییەكان لە خوێندن و ڕاهێنانی تەكنیكی و پیشەییدا.
وۆركشۆپەكە لەشاری هەولێر، لەلایەن رێكخراوی (UNESCO)بەهاوبەشی لەگەڵ یەكێتی ئەوروپا ئامادەكرابوو، کە تێیدا هەریەك لە زانكۆ پۆلیتەكنیکەکانی (هەولێر، سلێمانی، دهۆك) بەشداربوون.
وۆركشۆپەكە سێ رۆژی خایاندو لەكۆتاییدا بڕوانامە بەخشرایە بەشداربووان.
