سەرۆکی زانکۆ ئامادەی دەست بەکاربوونی ڕاگرانی پەیمانگە تەکنیکییەکانی سلێمانی بوو
بەسەرپەرشتی پرۆفیسۆر د.هوشیار عبدالله عزیز سەرۆکی زانکۆی پۆلیتەکنیکی سلێمانی و، بەئامادەبوونی پ.ی.د.سەرهەنگ سەروەت یاریدەدەری سەرۆکی زانکۆ بۆ کاروباری زانستی و خوێندنی باڵا، پ.د.علی قادر عوسمان یاریدەدەری سەرۆکی زانکۆ بۆ کاروباری کارگێڕی و دارایی،
پ.ی.د.بەختیار عبید شریف یاریدەدەری سەرۆکی زانکۆ بۆ کاروباری خوێندکاران، و بەڕێوبەری بەڕێوبەرایەتی ژمێریاری و ووردبینی و کارگێڕی و زانستی و لێپرسراوی تۆماری پەیمانگە
ڕۆژی (٢٠/ کانونی دووەم / ٢٠٢٦ ) قۆناغێکی نوێ لەبەڕێوەبردنی سێ پەیمانگەی تەکنیکی دەستیپێکردو، لەپەیمانگەی تەکنیکی سلێمانی، هەر یەک لە پ.ی.د.چۆمان علاء الدین عمر وەک ڕاگری پەیمانگەی تەکنیکی تەکنەلۆجی سلێمانی و پ.د.جەلال عبدالله محمد وەک ڕاگری پەیمانگەی تەکنیکی کارگێڕی سلێمانی و پ.ی.د.سۆلاڤ جەوهەر علی وەک ڕاگری پەیمانگەی تەکنیکی پزیشکی سلێمانی دەستبەکاربوون.
لە سەرەتادا سەرۆکی زانکۆی پۆلیتەکنیکی سلێمانی پیرۆزبایی خۆی ئاڕاستەی ڕاگری نوێی پەیمانگەکان و ستافی ئەکادیمی و کارگێڕی پەیمانگەی تەکنیکی سلێمانی کرد، هیوای سەرکەوتن و پێشکەوتنی بەردەوامی بۆ ڕاگری پەیمانگەکان خواست و جەختیکردەوە کە ئەم هەنگاوە دەتوانێت ببێتە بنچینەیەکی بەهێز بۆ بەرزکردنەوەو باشتر ڕێکخستنی کاروبارە زانستی و کارگێڕی و داراییەکان.
پرۆفیسۆر.د.هوشیار عبدالله عزیز داوای لە ڕاگری نوێی پەیمانگەکان کرد لە ئاستی ئەو متمانەیەدا بن کە سەرۆکایەتی زانکۆ و وەزارەتی خوێندنی باڵا پێیبەخشیوون و هەموو هەوڵێک بدەن لەپێناو بەرزکردنەوەی ئاستی بەڕێوەبردن و پەرەپێدانی خوێندنی تەکنیکی و پسپۆڕی بەشەکان لە پەیمانگەکانیان، هەروەها هەموو پشتیوایی و پاڵپشتییەکی سەرۆکایەتی زانکۆی بۆ دووپاتکردنەوە.
لای خۆشیانەوە ڕاگری هەرسێ پەیمانگەکە سوپاسی سەرۆکایەتی زانکۆی پۆلیتەکنیکی سلێمانییان کرد و بەڵێنیان دا لە ئاستی ئەو متمانەیەدا بن و هەموو هەوڵێک بدەن بۆ بەرزکردنەوەی ئاستی خوێندن و پێشکەشکردنی خزمەتی زیاتر بەخوێندکاران و باشتر ڕێکخستن و بەڕێوەبردنی کاروبارە زانستی و کارگێڕی و داراییەکانی پەیمانگەکەیان.
شایەنی باسە ڕۆژی یەکشەممەی ڕابردوو د.ئارام قادر محمد وەزیری خوێندنی باڵا و توێژینەوەی زانستی لە سەردانەکەیدا بۆ سەرۆکایەتی زانکۆی پۆلیتەکنیکی سلێمانی، فەرمانی وەزاری تایبەت بە دانانی ڕاگری هەر سێ پەیمانگە تەکنیکییەکانی سلێمانی واژۆکرد.
