پلانی جێبەجێکردنی پێواژۆی بۆڵۆنا تایبەت بە ژمێریاری لە پەیمانگاکانی زانکۆی پۆلیتەکنیکی سلێمانی گەشەی پێدەدرێت

رۆژی11/2/2025 ، بە چاودێریی سەرۆکایەتیی زانکۆی پۆلیتەکنیکی سلێمانی و ڕاگرایەتیی کۆلێجی تەکنیکی کارگێری؛ لە هۆڵی سیمیناری کەمپی کۆلێجە تەکنیکییەکان، بەشی تەکنیکی ژمێریاریی کۆلێجی تەکنیکی /کارگێڕیی ، بە مەبەستی ئاشنابوون بەو بابەتە و سیستمە کۆمپیوتەرییانەی کە بۆ ژمێریاری بەکاردەهێنرێن و چۆنێتیی وتنەوەی لە سەر ئاستی پەیمانگاکان، وۆرکشۆپێکی تایبەتی بە وانە (Accounting by Computer) / بۆ مامۆستایانی ژمێریاریی پەیمانگاکانی سەر بە زانکۆمان ئەنجام درا ، کە بەپێی پێواژۆی بۆڵۆنا لە پەیمانگاکانیشدا وەک بابەتێکی بنەڕەتی بۆ یەکەمجار دەخوێندرێت.هاوکات لە وۆرکشۆپەکەدا سوپاسی کۆمەڵەی خوێندکارانی کوردستان کرا بۆ هاوکاریی زانکۆی پۆلیتەکنیکی سلێمانی بە دابینکردنی سیستمی کۆمپیوتەری تایبەت بە ژمێریاری.