سەنتەری پەرەپێدانی کار لە زانکۆی پۆلیتەکنیکی سلێمانی بە هاوبەشی لەگەڵ ڕێکخراوی (N2N)ی ئەمریکی دوو چالاکی زانستی ئەنجام دەدات

سەنتەری پەرەپێدانی کار لە زانکۆی پۆلیتەکنیکی سلێمانی بە هاوبەشی لەگەڵ ڕێکخراوی (N2N)ی ئەمریکی ؛ کۆرسی نێودەوڵەتی (Mobile Application Development) ئەنجامدا کە ماوەی ٣ ڕۆژی خایەنێت. کۆرسەکە تایبەت بوو بە خوێندکارانی هەریەک کۆلێژی ئینفۆرماتیک  و پەیمانگای زانستی کۆمپیوتەر بە  بە دوو گرووپ ڕاهێنانیان وەردەگرت.کۆرسەکە لەلایەن (Alex Wong) لە ڕۆژانی ١٤- ١٥ – ١٦/ ١/ ٢٠٢٥ وترایەوە و 55 خوێندکار بەشداریان تێداکرد.

لە لایەکی ترەوە دوا نیوەڕۆی ڕۆژی ٥ شەممە ڕێکەوتی ٢٠٢٥⁄١⁄١٦، لە ژێر ناونیشانی “دەستکردن بە خەون بینین” (Getting Started to dream)  بە ڕاهێنەرایەتی (ڕیچارد هارپەر)ڕاهێنەری نێودەوڵەتی لە دوو کاتی جیاوازدا بەشداری پ.د. دیاری علی محمد ئەمین ڕاگری پەیمانگەی تەکنیکی زانستی کۆمپیوتەر و بەڕێوەبەری سەنتەری پەرەپێدانی کار و سەرۆکی بەشە زانستیەکانی هەر دوو پەیمانگا و مامۆستایان و خوێندکاران لە پەیمانگای تەکنیکی بەکرەجۆ و پەیمانگای زانستی کۆمپیوتەر وۆرکشۆپێکی نێودەوڵەتی لەلایەن سەنتەری پەرەپێدانی کار لە زانکۆی پۆلیتەکنیکی سلێمانی بە هاوبەشی لەگەڵ ڕێکخراوی (N2N)ی ئەمریکی بە ناونیشانی “دەستکردن بە خەونبینین” ئەنجامدا.