بە سەرپەرشتيى پ.د. هوشیار عەبدوڵڵا عەزیز سەرۆکی زانکۆ کۆبوونەوەى ئاسایيی ئەنجومەنى زانکۆ لە ساڵی نوێدابەڕێوەچوو

ئەمڕۆ چوارشەممە ڕێکەوتى ٨ى کانونی دووەمی ٢٠٢٥، بە سەرپەرشتيى پ.د. هوشیار عەبدوڵڵا عەزیز سەرۆکی زانکۆ و بە ئامادەبوونى ئەندامانی ئەنجومەنی زانکۆ کۆبوونەوەى ئاسایيی ئەنجومەنى زانکۆ بۆ ساڵی خوێندنی ٢٠٢٤-٢٠٢٥، لە هۆڵى کۆبوونەوەکانى ئەنجومەن لە سەرۆکایەتی زانکۆ بەڕێوەچوو.

لە دەستپێکى کۆبوونەوەکەدا، سەرۆکی زانکۆ ، پیرۆزبایی ساڵی نوێی ئاراستەی مامۆستایان و فەرمانبەران و خوێندکارانی زانکۆ کرد.
لە بەشێکی تردا سەرۆکی زانکۆ تیشکی خستە سەر فەرمانی وەزارەتی خوێندنی باڵا و توێژینەوەی زانستی بە دابەشکردنی پەیمانگەی تەکنیکی سلێمانی بۆ سێ پەیمانگەی پسپۆڕی بەناوی (پەیمانگەی تەکنیکی پزیشکی سلێمانی، پەیمانگەی تەکنەلۆجی سلێمانی، پەیمانگەی تەکنیکی کارگێڕی سلێمانی) کە ئەمە دەستکەوتێکی تری زانکۆیە پێشکەشی سلێمانی و کوردستان دەکرێت و دەخرێتە سەر دەستکەوتەکانی تر بۆ زیاتر گرینگیدان بە پەیمانگەی دایک، هەر بەوبۆنەیەوە پیرۆزبایی لە ڕاگرایەتی و مامۆستایان و فەرمانبەران و خوێندکارانی پەیمانگەی تەکنیکی سلێمانی کرد.
هەر لە کۆبوونەوەکەدا ئەنجومەنی زانکۆ تاوتوێی چەند تەوەرێکی کاروباری زانستی، خوێندکاران و کارگێڕی کرد.