سەرۆکی زانکۆ قەڵغانی رێزلێنان دەبەخشێتە سەرجەم بەڕێوەبەری سەنتەر و بەڕێوەبەرایەتییەکانی سەرۆکایەتی زانکۆی پۆلیتەکنیکی سلیمانی
سێشەممە ١٢ی تشرینی دووەمی ٢٠٢٤ بە ئامادەبونی پ.د. ھوشیار عبداللە عزیز سەرۆکی زانکۆ و یاریدەدەرەکانی، لە پای دڵسۆزی و ھەوڵ وماندوبوونیان لە ڕاپەڕاندنی ئیش و کارەکان و پێشخستنی زانکۆدا؛ ڕێوڕەسمی بەخشینی خەڵات بە بەڕێوبەرەکانی سەرجەم بەڕێوەبەرایەتی و سەنتەرەکانی سەرۆکایەتی زانکۆی پۆلیتەکنیکی سلێمانی بەڕێوەچوو.
لە دەستپێکی ڕێوڕەسمەکەدا پ.د. ھوشیار عبداللە عزیز سەرۆکی زانکۆ وتەیەکی پێشکەش کرد و سەرەڕای سوپاس و پێزانینی بۆ بەرێوەبەرەکان و سەرجەم فەرمانبەران ؛ ئاماژەی بە سروشتی کاری پیکەوەیی کرد لە زانکۆدا کە دەبێتە بناغەیەک بۆ سەرکەوتنی دامەزاوەو پێشکەوتنی، هەروەها ئەوەشی خستەڕوو کە سەرجەم بەڕێوەبەرەکان رۆڵی دیاریان ھەبووە کە شانبەشانی فەرمانبەران لە پێشخستنی زانکۆ لە ڕووی زانستی وکارگێڕی و تەکنیکیەوە، ھیوای خواست بەردەوام لە ھەوڵدابن لە بەرەوپێشبردنی ئاستی زانکۆ.
پاشان هەریەک لە سەرۆکی زانکۆ و یاردەدەرانی سەرۆکی زانکۆ؛ قەڵغانی رێزلێنانیان بەخشیە بەڕێوبەرەکان و هیوای سەرکەوتنیان بۆ خواستن لە خزمەتکردن بە زانکۆ.
