بەڕێوە چوونی خولێکی فێرکاری PCR بە نەرمە ئامێر لە سەنتەری توێژینەوەی زانکۆی پۆلیتەکنیکی سلێمانی
خولێکی فێرکاری PCR بە نەرمە ئامێر، تایبەت بە توێژەرانی بواری بایۆلۆژی لە بەرواری ٦،٧ ی ئۆکتۆبەری ٢٠٢٤ لە لایەن سەنتەری توێژینەوەی زانکۆی پۆلیتەکنیکی سلێمانی بە هەماهەنگی کۆلێژی تەکنیکی تەندروستی بەڕێوەچوو. خولەکە ماوەی دوو ڕۆژی خایاند و تیایدا کار لەسەر چوار تەوەرەی سەرەکی کرا، کە بریتیبون لە سەرەتایەک دەربارەی PCR، چۆنیەتی دروستکردنی پرایمەر لە ڕێگەی نەرمە ئامێرە هەمەجۆرەکانەوە، تەکنیکی ڕێگری لە ڕوودانی میسپرایمینگ، و لکانی پرایمەر بە جێگا نەخوازراوەکانەوە، لە کۆتاییدا چۆنییەتی داواکردن و کڕینی پرایمەری ئامادەکراو لە کۆمپانیاکان لە ڕێگای بەرنامەی تایبەت تاووتوێکرا. خولەکە بەشێکە لە زنجیرە خولێکی ئەکادیمی کە کار بۆ بەرەو پێشبردنی توانا کۆمپیوتەرییەکانی پسپۆڕانی بایۆلۆژی دەکات و تایبەتە بە هەڵگرانی بڕوانامەی بەکالۆریۆس و ماستەر و دکتۆرا و بڕیارە بۆ ماوەی ساڵیک بەردەوام بێت.
