ڕاهێنانی باشترین جێبەجێکردنەکان بۆ کوالیتی کۆنترۆڵی بەرهەمە کشتوکاڵییەکان
سەنتەری پەرەپێدانی کار لە زانکۆی پۆلیتەکنیکی سلێمانی بە هاوبەشی لەگەڵ کۆمپانیای هامسا ڕاهێنانی باشترین جێبەجێکردنەکان بۆ کوالیتی کۆنترۆڵی بەرهەمە کشتوکاڵییەکان ئەنجامدەدات.
بەمەبەستی ئاشنا کردنی مامۆستایان و خوێندکاران و فەرمانبەرانی پەیمانگای تەکنیکی بەکرەجۆ بە ئامێر و پێشکەوتنە نوێیەکانی بواری کوالیتی کۆنترۆڵ بۆ بەرهەمە کشتوکاڵییەکان سەنتەری پەرەپێدانی کار (CDC) لە زانکۆی پۆلیتەکنیکی سلێمانی بە هاوبەشی لەگەڵ پەیمانگای تەکنیکی بەکرەجۆ بۆ زانستە کشتوکاڵییەکان و کۆمپانیای هامسا ڕاهێنانێکی ٤ڕۆژی بۆ مامۆستایان و خوێندکاران و فەرمانبەرانی پەیمانگاکە ئەنجام دەدات.
ڕاهێنانەکە لە ڕۆژی ٣/١١ دەستی پێکردووە لە ڕۆژی ١١/١١/٢٠٢٤ کۆتایی دێت.
مامۆستا ئەڤین عەلادین مامۆستا لە پەیمانگای تەکنیکی بەکرەجۆ و نوێنەری سەنتەری (CDC) لە ڕاهێنانەکە ڕایگەیاند”ئەم ڕاهێنانە زۆر گرنگە بۆ ئاشناکردنی مامۆستایان و خوێندکاران و فەرمانبەرانی پەیمانگاکەمان بە ئامێرە تەکنەلۆژییە نوێیەکانی بواری کولیتی کۆنترۆڵ و بەستنەوەی پەیمانگا بە بازاڕی کارەوە”.
