بەشی سڕكردن بووە پاڵەوانی پەیمانگای تەكنیكی سلێمانی

خولی فوتسالی پەیمانگای تەكنیكی سلێمانی كۆتایی هات و بەشی سڕكردن بە بردنەوەی لە بەشی تەندروستی كۆمەڵ بووە پاڵەوانی خولەكە. لە درێژەی كار و چالاكییەكانیدا پەیمانگای تەكنیكی سلێمانی خولێكی فوتسالی بۆ سەرجەم بەشەكانی پەیمانگا كردەوە كە (١٨) تیپ بەشداربوون، خولەكەش لەلایەن راگرایەتی پەیمانگا و هۆبەی وەرزش و مامۆستایانی بەشی وەرزش سەرپەرشتی دەكرا، ئەمڕۆ دووشەممە بەرواری 22/5/2017 یاری كۆتایی لە نێوان بەشی سڕكردن و بەشی تەندروستی كۆمەڵ لەناو یاریگای پەیمانگا بەڕێوەچوو كە لە یارییەكی ئاست بەرزدا بەشی سڕكردن لە بەشی تەندروستی كۆمەڵ-ی بردەوە بووە پاڵەوانی خولەكە.