هیمۆفیلیا

هیمۆفیلیا بریتییە لە نەخۆشییەکی بۆماوەیی خوێنبەربوون، نەخۆشییەکی بەزیووە کە هەڵگیراوە لەسەر کرۆمۆسۆمی(X) وە (٣) جۆری هەیە ئەوانیس بریتین لە (A.B.C)

ئەم خوێنبەربوەنە لە ئەنجامی تێکچوونێکی بۆ ماوەیی ڕوودەدات و کاریگەری لەسەرهەردوو ڕەگەز دەردەکەوێت بەڵام ئەگەری دەرکەوتنی لە ڕەگەزی نێر زیاترە.

چۆنێتی دەستنیشانکردنی نەخۆشییەکە

دیارکردنی نەخۆشییەکە لە دوو کاتدا دەکرێت کە بریتیین لە :-

1- پێش لەدایکبوون لە ڕێگەی پشکنینی کۆرپەلە لە ٣ مانگیدا تا کاتی لەدایکبوون.

2- دوای لەدایکبوون لە دوای تەمەنی ٣٦ مانگیدا نەخۆشییەکە دیاری دەکرێت.

نیشانەکانی چین:

1- خوێن بەربوونی لوت بەبێ هۆکار.

2- خوێنبەربوون لە برین کە بۆماوەیەکی زۆر بەردەوام دەبێت.

3- خوێنبەبوون لە پوک.

4- سوربوونەوەی پێست.

5- ڕەقبوون و ئازاری جومگەکان بەهۆی خوێنبەربوونی ناوەکی.

چۆنیەتی وەستاندنی خوێنبەربوونەکە

داوا لە نەخۆشەکە بکە کە دانیشێت و سەر شۆربکاتەوە بۆ پێشەوە، پاشان لوت بەتاڵ بکرێتەوە لە خوێن، با نەخۆش یاخود پزیشک بۆ ماوەی (١٠-٥) خولەک بە دوو پەنجە بەشی پێشەوەی لوت بگرێت و بەرنەدرێت، ئەگەربکرێت هەندێک سەهۆڵ لە گۆزێک بکرێت و بخرێتە سەر ناوچاوانی پاشان هەردوو قاچی بخاتە ناو ئاوی ساردەوە ئەمە یارمەتیدەرە بۆ خەست بوونەوەی خوێنی لوت و وەستاندنی.

چی جۆرە دەرمانێک بەکاردێت لە چارەسەرکردندا

لەڕێگەی دەرزیەکەوە دەکرێت کە پێی دەوترێت (desmopressin) کە هۆرمۆنێکی دەستکردە هەڵدەستێت بە هاندانی دروستکردنی فاکتەری مەین.

تیمی هۆشیاری بەرێوەبەرایەتی تەندروستی و سەلامەتی