وەزارەتی خوێندنی باڵا ئەنجامی بەرایی كاندیدەكانی سكۆلەرشیپ-ی قوبرس ڕادەگەیەنێت

  دوای ئەوەی وەزارەتی خوێندنی باڵا و توێژینەوەی زانستی لە ماوەی ڕابردوودا (١٠) سكۆلەرشیپ-ی لە قوبرس ڕاگەیاند، ژمارەیەك خوازیار داواكاریان پێشكەشكرد، دوای هەڵسەنگاندنی داخوازییەكانیان بەپێیی مەرجەكانی هاتوو، وەزارەتی خوێندنی باڵا ئەنجامی بەرایی ئەو سكۆلەرشیپەی راگەیاند. بۆیە وەزارەتی خوێندنی باڵا و توێژینەوەی زانستی داوا لەو كەسانە دەكات، كە ناویان لە لیستی هاوپێچ هاتووە، لە ماوەی دیاریكراودا سەردانی بەڕێوەبەرایەتی نێردراوان لە دیوانی وەزارەتی خوێندنی باڵا و توێژینەوەی زانستی بكەن و، ئەم پێداویستیانەی خوارەوە لەگەڵ خۆیاندا بهێینن تا كارە پێویستەكانیان بۆ ڕایی بكرێت. پێداویستییەكان: *پوختەی ڕاژە (ئەگەر فەرمانبەری حكومەتی هەرێمی كوردستانن *لاری نەبونی ئەو فەرمانگەی كە كاری لێ ئەكات (ئەگەر فەرمانبەری حكومەتی هەرێمی كوردستانن(. *بڕوانامەی بەكالۆریۆس بۆ (كاندیدانی ماستە). *بڕوانامەی ماستەر بۆ (كاندیدانی دكتۆرا). *وێنەیەك لە پاسپۆرت. *تاقیكردنەوەی زمانی ئینگلیزی. تێبینی: دوایین كات بۆ وەرگرتنی پێداویستیەكان، ڕێكەوتی (١٤/٥/٢٠١٧)یە. بۆ بینینی لیستی ناوی كاندیدەكانی خوێندنی باڵا/ ماستەر كلیك لێرە بكە بۆ بینینی لیستی ناوی كاندیدەكانی خوێندنی باڵا/ دكتۆرا كلیك لێرە بكە