مامۆستایەكی زانكۆی پۆلیتەكنیكی سلێمانی بەشداری كۆنفرانسێكی نێودەوڵەتی لە ئەڵمانیا دەكات

پ.ی.د.دانا عبدالكریم عبدالمجید مامۆستا لە كۆلێجی تەكنیكی تەندروستی سەر بە زانكۆی پۆلیتەكنیكی سلێمانی بەشداریی كۆنفرانسێكی نێودەوڵەتی كرد كە تایبەت بوو بە ( دووبارە دروستكردنەوە و چاندنەوەی بەشەكانی دەموچاو كە لە بەرەنجامی شێرپەنجە و سوتاوی و تەقەمەنی و جەنگەوە زەرەریان پێ گەیشتووە) كە لە وڵاتی ئەڵمانیا بەڕێوەچوو. لە كۆنفرانسەكەدا پ.ی.د.دانا عبدالكریم عبدالمجید بە توێژینەوە پڕ بایەخەكانی لە بواری نەشتەرگەری جوانكاریدا كۆنفرانسەكەی دەوڵەمەندتر كرد و راوبۆچوونی زانستی لەگەڵ توێژەرە نێودەوڵەتییەكاندا ئاڵوگۆڕ كرد. شایەنی باسە لەماوەی رابردوودا چەندین مامۆستای زانكۆی پۆلیتەكنیكی سلێمانی بەشدارییان لە چەندین كۆنفرانسی ناوخۆیی و نێودەوڵەتیدا كردووە، ئەمەش دەگەڕێتەوە بۆ هەوڵ و ماندووبوون و پشتیوانییەی سەرۆكایەتی زانكۆ و راگرایەتی كۆلێج و پەیمانگاكان كە هەمیشە جەخت لەسەر ئەوە دەكەنەوە پێویستە ئاستی زانستی كۆلێج و پەیمانگا و مامۆستایان و ئەكادیمیان رۆژ بە رۆژ لەبەرەو پێشچووندا بێت.