زانكۆی پۆلیتەكنیكی سلێمانی رێزلێنان پێشكەشی خوێندكارە خۆبەشەكانی تیمی پرۆتۆكۆڵ و بەشدارانی چالاكی رۆشنبیری دەكات
لە هۆڵی پیرەمێرد لە سەرۆكایەتی زانكۆی پۆلیتەكنیكی سلێمانی ، بە ئامادەبوونی پرۆفیسۆر دكتۆر علی قادر یاریدەدەری سەرۆكی زانكۆ بۆ كاروباری کارگێڕیی و دارایی و دكتۆر بەختیار عبید شریف یاریدەدەری سەرۆكی زانكۆ بۆ كاروباری خوێندكاران و پڕۆفیسۆر دکتۆر هێرش رەسوڵ راگری كۆلێجی تەكنیكی كارگێری و دكتۆر رێباز جەلیل بەرێوەبەری تۆماری گشتی رێزلێنانی تایبەت بەخشرایە ژمارەیەك خوێندكاری خوبەخش كە لە چوارچێوەی تیمی پرۆتۆكۆڵی زانكۆدا كاریان بۆ سەرخستنی تەواوی چالاكییەكان كردوە.
سەرەتا ئامادەبوان بۆ رێزلێنان لە گیانی شەهیدان چەند ساتێك بە بەبێدەنگی ڕاوەستان، پاشان دكتۆر بەختیار عبید شریف یاریدەدەری سەرۆكی زانكۆ بۆ كاروباری خوێندكاران لە وتەیەكدا بە ناوی سەرۆكی زانكۆی پۆلیتەكنیكی سلێمانی سوپاسی تەواوی خوێندكارانی كرد و رایگەیاند ئەو رۆڵەی ئێوە بینیوتانە پاشخانێكی گەورەیە بۆ خۆتان و زانكۆمان لە بۆنە فەرمیەكاندا كە وێنەیەكی جوانتان پێشكەشكردووە، بۆیە لەدڵەوە سوپاستان دەكەین و خوازیارین هەمیشە سەركەوتووبن، هەروەها رایسپاردن كە لە ڕێگەی كاری خۆبەحشیەوە ئەزموونی كاری خۆتان گەشەپێبدەن و لە بازاری كاردا ئەو كەسانەی ئەزموونیان زۆرترە چانسی دەستكەوتنی كاریان زۆرتر دەبێت پاشان وتی شانازی دەكەین كە دەبینین لە تیمە پرۆتۆكۆڵەكانی بەرپرسانی حكومەتدا خۆبەخشان و دەرچووانی زانكۆمان دەبنینەوە ، دووبارە سەركەوتووبن.دواتر لە لایەن ئامادەبوانەوە رێزلێنان پێشكەشی خوێندکارە بەشداربووكان كرا.
