سەرۆکی زانکۆی پۆلیتەکنیکی سلێمانی لە نزیکەوە چاودێری بارودۆخی خوێندن و چۆنێتی خزمەتکردنی خوێندکاران دەکات
پرۆفیسۆر د.هوشیار عبداللە عزیز سەرۆکی زانکۆی پۆلیتەکنیکی سلێمانی هاوڕێ لەگەڵ پ.ی.د.سەرهەنگ سەروەت حمەکریم یاریدەدەری سەرۆکی زانکۆ بۆ کاروباری زانستی و خوێندی باڵا، سەردانێکی مەیدانیان بۆ کەمپی کۆلێجە تەکنیکیەکانی چوارچرا ئەنجامدا و لە بارودۆخی خوێندن و چۆنێتی خزمەتکردنی خوێندکارانیان کۆڵێەوە؛ بۆ ئەو مەبەستەش سەردانی کۆلێجە تەکنیکییەکانی (کارگێڕی ، ئینفۆرماتیک ، ئەندازیاری) یان کردو راگر و هەندێک لە سەرۆک بەش و مامۆستایان و فەرمانبەرانی بەشەکانییان بەسەر کردەوە و لە نزیکەوە لە کێشە و کەموکوڕیەکانیان پرسی، بەڵێنیدا بە دواداچوون بۆ چارەسەرکردنی کێشەکان بکەن.
دواتر سەردانی هۆڵەکانی خوێندن و هۆڵی کۆنفرانس و تاقیگە و پارک و باخچەکان و کافتیریایی خوێندکارانی ناو کەمپەکەیانکرد و سەبارت بەدۆخی خویندن گوێیان لە ژمارەیەک خوێندکار گرت ؛ هەروەها راگرایەتی سەرجەم کۆلێجەکانییان راسپارد کە پێویستە بەوردی بەدواداچوون بۆ خوێندن و چۆنێتی خزمەتکردنی خوێندکاران بکەن؛ پاشان سەردانی بەڕێوبەرایەتی بەشە ناوخۆییەکانی کردو جەختی لە زیاتر خزمەت کردنی خوێندکارانی بەشە ناوخۆیەکان کردو و دابین کردنی پێداویستیەکانیان کاری لە پێشینەی زانکۆ دەبێت. لە کۆتایی دا سەرۆکی زانکۆ ووتی: پێگەیاندنی نەوەکانمان ئەرکی سەر شانە و لەو رووە نابی کەم تەخەمی بنوێنین ، پێوستە باشترین خزمەتگوزاری پێشکەس بکەین و ژینگەیەکی تەندروست بۆ خویندکاران دابینبکرێت.
