پێشانگای نێوده‌وڵه‌تی ساڵانه‌ی (مایا) به‌ڕێوه چوو
پێشانگای نێوده‌وڵه‌تی ساڵانه‌ی (مایا) به‌ڕێوه چوو
ئه‌مڕۆ شه‌ممه به‌رواری (2017/4/29) به ئاماده‌بوونی پ.ی.د. ئالان فه‌ره‌یدون علی ئه‌مین سه‌رۆكی زانكۆی پۆلیته‌كنیكی سلێمانی و پ.ی.د. سۆران سعید یاریده‌ده‌ری سه‌رۆكی زانكۆ بۆ كاروباری زانستی و به‌ڕێوه‌به‌رایه‌تی به‌كارخستن وڕاهێنانی ته‌كنیكی پیشه‌یی له سه‌رۆكایه‌تی زانكۆ ، یه‌كه‌مین پێشانگای نێوده‌وڵه‌تی مایا له‌ژێر دروشمی (نه‌وه‌یه‌كی مۆدێرن ئاینده‌یه‌كی گه‌شتر ) بۆ (زانستی كۆمپیوته‌ر و ته‌كنۆلۆجیای زانیاری ) به‌ڕێوه‌چوو ، کۆمەڵێک خوێندکاری چالاکی کۆلێجی تەکنیکی ئینفۆرماتیک بەچاودێری ڕاستەوخۆی ڕاگرایەتی و بە سەرپەرشتیاری سەرۆک بەشەكانى کۆلێجى ناوبراو بەشداریان لە پێشانگاكه‌دا کرد.
هه‌ر له‌و به‌سه‌ركردنه‌وه‌یه‌دا پ.ی.د. ئالان فه‌ره‌یدون علی ئه‌مین سه‌رۆكی زانكۆی پۆلیته‌كنیكی سلێمانی سه‌ردانی خوێندكارانی به‌شی ئینفۆرماتیكی سه‌ر به زانكۆی كرد و ده‌ستخۆشی كاره‌كانیانی كرد و به‌ڵێنی هاوكاری و پشتیوانی پێدان بۆ كارو پرۆژه‌كانی داهاتویان.
شایا‌نی باسه ئه‌م پێشانگایه له‌لایه‌ن په‌یمانگای ته‌كنیكی كوردستان سلێمانی په‌یمانگای كۆمپیوته‌ری سلێمانی ئه‌هلی به‌هاوبه‌شی ده‌زگای (IEEE) له‌عێراق ئه‌نجام درابوو.
This shortcode LP Profile only use on the page Profile
