خولەکانی فێرکاری لە سەنتەری زمانی زانکۆ حکومییەکان دەست پێدەکات

ئاگاداری بەشداربووانی تاقیکردنەوەی ئاستی ئەنجامدراو لە ڕێکەوتی ٧/٨/٢٠٢٣-٨ لە سەنتەری زمانی زانکۆکانی (سەلاحەدین و سلێمانی و دهۆک) دەکەینەوە، دەتوانن ڕۆژی چوارشەممە ڕێکەوتی ٢٠٢٤/٢/٢١ داواکاری بەشداریکردن لە خولەکانی زمانی ئینگلیزی لە سەنتەرەکانی زمانی زانکۆ حکومیەکان لە ناو پۆل یان بەشێوەی ئۆنڵاین لە ڕێگای ئەکاونتەکانیان پێشکەش بکەن وە بۆ مەبەستی وەسل بڕین سەردانی سەنتەرەکانی .زمان بکەن

.تێبینی: بۆ ئەو بەرێزانەی کە داواکاری بۆ خولی ئۆنڵاین پێشکەش دەکەن پێویستە ئاگاداری ئەم خاڵانەی خوارەوە بن

.گەیاندنی کۆرسەکان: کۆرسەکان بە شێوەیەکی دیجیتاڵی ئەنجام دەدرێن بە بەکارهێنانی پلاتفۆرمی زووم یان پلاتفۆڕمی تیمەکان

.پێداویستی ئامێرەكان: پێویستە فێرخوازان ئامێرێكی بەگەڕخەری ئەنتەرنێت بەكاربهێنن (كۆمپیتەر، لاپتۆپ، مۆبایل، تابلێت) بۆ بەشداربوون لە خولەكان بە شێوەی ئەلیكترۆنی

.زانیاری ئەلیكترۆنی: پێویستە فێرخوازان زانیاری سەرەتایی بەكارهێنانی زوومیان هەبێت، بە ڕۆشتنە ناو میتینگ، پرسیاركردن، و جڵەوكردنی دەستكاری دەنگ و ڤیدۆوە

.ژمارەی فێرخوازان: هیچ سنوورێك بۆ ژمارەی فێرخوازان بۆ هەر خول/ وانەیەكى ئؤنلاین دانانرێت

.تۆماركردن: ئیمپیریاڵ هەموو وانەكان تۆماردەكات و لینكەكەی دەنێردرێت بۆ فێرخوازان یاخود دەخرێتە سەر سەكۆی یووتووب

.دەزگای هەڵسەنگاندن: هەڵسەنگاندنی ئۆتۆماتیكی (تاكو %75) بە بێ مامۆستا دەكرێت. فێرخوازان دەتوانن لە ماوەی خولەكەدا داوای یارمەتی بكەن

.تاقیكردنەوەی كۆتایی هەردوو جۆری خولەکە ناو پۆل و ئۆنلاین: تاقیكردنەوەی كۆتایی بە شێوەی ئەلیكترۆنی لە لایەن زانكۆكان و لە ژێر سەرپەرشتی وەزارەتدا بەڕێوەدەچێت.