گفتووگۆی تێزى دکتۆرای مامۆستایەکی پەیمانگەی تەکنیکی دووکان به ناونیشانى(کاریگەری سۆشیال میدیا لە بەبازارکردنی کۆمەڵایەتی بۆ بەناودارکردنی کاراکتەرەکوردییەکان) بە سەرکەوتوویی لە زانکۆی سەلاحەدین ئەنجامدرا
ئەو دکتۆرانامەیە لەلایەن هەرمن شێرکۆ نەسرەدین ئامادەکراوە، توێژەر لەبەردەم سەرپەرشتیارەکەییدا: پ.ی.د.حەکیم عوسمان و ئەندامانی دیکەی لیژنەی گفتوگۆدا: پ.د.نەزاکەت حوسێن، پ.ی.د.رەزوان خدر، پ.ی.د.سامان جەلال، پ.ی.د.عەبدولخالق ئیبراهیم و پ.ی.د.بەرهەم خالد بەرگریی لە ناوەڕۆکەکەی کرد و پاش زیاتر لە چوار کاتژمێر گفتووگۆی زانستیی و خستەڕووی سەرنج و تێبینی و پێشنیازەکان لەلایەن سەرۆک و ئەندامانی لێژنەکەوە، تێزەکە بەسەرکەوتوویی پەسەندکرا.
کە توێژەر لەم تویژینەوەیەدا گەیشتۆتە چەندان دەرئەنجام لەوانە بەکارهێنانی سۆشیال میدیا ، لەلایەن کاراکتەرەکۆمەڵایەتییەکانەوە، پرۆسەی بەناوبانگ بونیانی خێراترکردوە، هەروەها کاراکتەرەکانیش بەدوای ئەوبابەتانەوەبوون کەوا جێ بایەخی زۆریینەی بەکارهێنەرانن، بۆییە ڕاسپاردەی توێژەر ئەوەیە کاراکتەرەکانی سۆشیال میدیا ڕەچاوی بەرژەوەندی گشتی بکەن لەکاتی بەکارهێنانی سۆشیال میدیا.
