بە مەبەستی جێبەجێکردنی ڕێنمایی ژمارە (٩)ی ساڵی (٢٠٢٣)، زانکۆی پۆلیتەکنیکی سلێمانی داوا لە پێشکەشکارانی خوێندنی باڵا دەکات کە لە ماوەی (١٥) ڕۆژدا لە رێکەوتی (۲٠۲۳/۹/۱٠)ـەوە سەردانی هۆبەی خوێندنی باڵای کۆلێجە پەیوەندیدارەکان بکەن بۆ زانیاری زیاتر و پێشکەشکردنی داواکاری و پاشان پڕکردنەوەی بەڵێننامەی خوێندن بە شێوەی پاڕاڵێڵ لە سەرۆکایەتیی زانکۆی پۆلیتەکنیکی سلێمانی.
ئەو پێشکەشکارانەی سودمەند دەبن:
یەکەم/ پێشکەشکارانی ماستەر و دکتۆرا کە لە تاقیکردنەوەی توانستی زانستی دەرچوون، بەڵام بەهۆی نەمانی کورسی وەرنەگیراون.
دووەم/ پێشکەشکارانی ماستەر و دکتۆرا کە لە تاقیکردنەوەی توانستی زانستی دەرنەچوون، بەڵام نمرەکانیان لە سەروو ١٠ یە.
سێیەم/ پێشکەشکارانی کەسوکاری شەهیدان و ئەنفالکراوان و زیندانی سیاسی + خاوەن پێداویستیی تایبەت کە ١٠ بەرەوە سەریان ھێناوە.
چوارەم/ پێشکەشکارانی ناوچە کوردستانییەکانی دەرەوەی ئیدارەی هەرێمی كوردستان، کە نمرەی ١٠ بەرەوە سەریان ھێناوە، پێویستە بەڵگەنامەکانی سەلماندنی وەکو (پسولەی خۆراک، کارتی دەنگدان، کارتی نیشتمانی و کارتی زانیاری) پێشکەش بکەن و بەڵێننامە پڕبکەنەوە، بەم شێوەیەی خوارەوە
پێنجەم/ خوازیارانی خوێندنی باڵای دبلۆمی باڵای یەک ساڵە لەو بەشانەی کە ئەمجۆرە خوێندنە کراوەتەوە، دەتوانن سەردانی هۆبەی خوێندنی باڵای کۆلێجەکان بکەن، بە مەبەستی پێشکەشکردن.
لەگەڵ ڕێزدا….