خولێکی تۆپی پێی فەرمانبەرانی زانکۆ کۆتاییهات

خولی تۆپی پێی مامۆستایان و فەرمانبەرانی کۆلێجی تەکنیکی کەلار کۆتاییهات و بەشە پزیشکیەکانی کۆلێج بوونە پاڵەوانی خولەکە. رۆژی یەکشەممە ٢٦-٢-٢٠٢٣ یاری کۆتایی لە نێوان هەردوو تیپی بەشە تەکنەلۆجییەکان و بەشە پزیشکییەکان ئەنجامدران و بەشە پزیشکییەکان توانیان سەرکەوتن بەدەستبهێنن و ببنە پاڵەوانی خولەکە دواتر مەدالیا و خەڵات بەسەر یاریزانانی براوەی یەکەم و دووەمدا دابەشکرا. هاوشانی پرۆسەی خوێندن، ساڵانە چەندین چالاکی جۆراوجۆر لە کۆلێج و پەیمانگاکانی سەر بە زانکۆ بەرێوەدەچن.