کارگێڕی کار

زانستی کارگێڕی کار لێکۆڵینەوە دەکات لەو شێواز و تەکنیک و چەمکانەی کە لە بەڕێوەبردنی کارێکدا بەکاردەهێنرێن. ئەم زانستە باس لە چەندین بابەتی گرنگ دەکات لە جیهانی بازرگانیدا، وەکو بازارگەری ، ژمێریاری، سەرچاوە مرۆییەکان، بەڕێوەبردنی بەرهەمهێنان، ئابووری، ئامار، و چۆنیەتی نووسینی نامەنووسی کارگێڕی.

زانستی کارگێڕی کار ئامانجی باشترکردنی ئەدای ڕێکخراوەکان و زیادکردنی قازانجەکانیان و گەیشتن بە ئامانجەکانیان. ئەمەش لە ڕێگەی لێکۆڵینەوە لە تیۆر و چەمک و تەکنیکەکان ئەنجام دەدرێت کە یارمەتیدەرن لە شیکردنەوە و داڕشتن و جێبەجێکردن و هەڵسەنگاندنی چالاکییەکانی بەڕێوەبردن لە ڕێکخراوەکاندا.

ئەو دەرچووانەی کە بڕوانامەی زانستی کارگێڕی کاریان هەیە ئەم هەلی کارانەیان هەیە:

1. دەرچووانی بەشی کارگێڕی کار کادری تەکنیکی و شارەزای زانستین لە بواری بەڕێوەبردن کە هەموو کۆمپانیایەک پێویستی پێیەتی
2. دەرچووانی ئەم بەشە ئەو زانیاریانەی لە وانەی بازاڕگەریدا بەدەستیان هێناوە زۆر لێهاتووانە لە بازاڕی کاردا بەکاری دەهێنن.
3. هەموو دامەزراوەیەکی حکومی و ئەهلی پێویستییەکی زۆری بە کادیری کارگێڕی تەکنیکی هەیە.

ئەرک:

بەشی کارگێڕی کار لە ساڵی 2011 دامەزراوە و سێیەم بەش بووە لەسەر ئاستی پەیمانگا کە وەک پێویستییەک بۆ شاری دەربەندیخان و ناوچەکە دروست بووە کە بێبەش بووە لە ستافی تەکنیکی ناوەندی لە بواری کارگێڕیدا. هەر لە سەرەتای دامەزراندنیەوە جەختی لەسەر گرنگی بەڕێوەبردنی پرۆسەی وانەوتنەوە کردووەتەوە. لەم بەشەدا و پەروەردەکردنی کادرێکی لێهاتوو لەبواری بەڕێوەبردن و بازارگەریدا بۆ ئەوەی بتوانن لە داهاتوودا جێ پەنجەی خۆیان دابنێن.ئەم بەشە گرنگی بە نوێکردنەوەی ستراتیژییەکانی خوێندن دەدات بەگوێرەی پێشکەوتنە هاوچەرخەکان و لەبەرچاوگرتنی داهاتووی خوێندکاران و دڵنیابوون لە زانستی خۆیان و لێهاتوویی تەکنیکی.ئامانجی بەشی کارگێڕی کار بریتییە لە ڕاهێنانی کادیرە تەکنیکییە ناوەندییەکان کە لە ڕووی زانستییەوە لێهاتوو و شارەزا بن لە بواری کارگێڕیدا، شارەزاییان لە بەڕێوەبردن و بەبازاڕکردن و بەکارهێنانی سەرچاوە مرۆییەکان بۆ سەرجەم فەرمانگە حکومییەکان و ناوەندەکانی کەرتی تایبەت هەیە

دیدگا:

1. پێشکەشکردنی بڕوانامەی تەکنیکی ئەکادیمی لە کارگێڕی و بەڕێوەبردن.
2. بەشداریکردن لە زانستی کارگێریدا وەک سەرچاوەیەکی پسپۆڕ لە کۆمەڵگا و دامەزراوە حکومی و تایبەتەکان و بازاڕی کار.

زانیاری گشتی:

1. یەکێکە لە بەشە گرنگەکانی پەیمانگای تەکنیکی دەربەندیخان لە زانکۆی پۆلیتەکنیکی سلێمانی.
2. بەشی کارگێڕی کار لە ساڵی 2011 لەلایەن وەزارەتی خوێندنی باڵا و توێژینەوەی زانستی دامەزراوە. بەهۆی نەبوونی ستافی ئەکادیمی گونجاو لەو ساڵەدا ژمارەیەکی کەمی خوێندکاری وەرگرت.

ئامانجەکان:

1. پێدانی بڕوانامەی دبلۆمی تەکنیکی لە کارگێڕیدا
2. ئامادەکردن و ڕاهێنانی ستافی تەکنیکی شارەزا لە کارگێڕی و بازاڕکردندا.
3. پەرەپێدانی بەڕێوەبردنی سەرچاوە مرۆییەکان لە بواری بەڕێوەبردن.