دەقى ڕێنماییەکانى خوێندنى باڵا/ماستەرو دکتۆرا بۆ ساڵى ٢٠١٦-٢٠١٧ ڕاگەیەندرا

دواى ئەوەى لە کۆبونەوەى ژمارە (3) ى ئەنجومەنى وەزارەت، کە لە ڕێکەوتى (٩/٥/٢٠١٦) بەڕێوەچوو و تێیدا ڕێنماییەکانى خوێندنى باڵا/ ماستەرو دکتۆراى بۆ ساڵى خوێندنى (٢٠١٦-٢٠١٧) لە زانکۆ حکومیەکانى هەرێمى کوردستان پەسند کرا، دوێنێ وەزیرى خوێندنى باڵا دەقى ڕێنماییەکانى ئیمزا کرد. لەو چوارچێوەیەدا و ، لە ڕێنمایى ژمارە (٤) کە له‌ ڕۆژی چوار شەممە، ڕێکەوتى (٢٥/٥/٢٠١٦) بەنوسراوى ژمارە ( ٨١١٠ ) بەئیمزاى د.یوسف گۆران وەزیرى خوێندنى باڵا و توێژینەوەى زانستى دەرچوە، تایبەتە بەخوێندنى باڵا/ ماستەر لە زانکۆ حکومیەکانى هەرێمى کوردستان و، وەرگرتنى خوێندکاران بەپێى ئەو ڕێنماییانە دەبێت. بۆ خوێندنەوەى دەقى ڕێنماییەکانى خوێندنى ماستەر تکایە کلیک لەسەر ئەم بەستەرە بکە www.spu.edu.iq/images/pdf/msc20162017spu.pdf بەهەمان شێوەو لە ڕێنمایى ژمارە (٥) کە بەنوسراوى ژمارە ( ٨١٠٩ ) کە لە ڕێکەوتى (٢٥/٥/٢٠١٦) بەئیمزاى د.یوسف گۆران وەزیرى خوێندنى باڵا و توێژینەوەى زانستى دەرچوە، تایبەتە بەخوێندنى باڵا/ دکتۆرا لە زانکۆ حکومیەکانى هەرێمى کوردستان و، وەرگرتنى خوێندکاران بەپێى ئەو ڕێنماییانە دەبێت. بۆ خوێندنەوەى دەقى ڕێنماییەکانى خوێندنى دکتۆرا تکایە کلیک لەسەر ئەم بەستەرە بکە www.spu.edu.iq/images/pdf/phd20162017spu.pdf