بەڕێوبەرایەتی “تەکنۆلۆجیاى زانیارى و ئامار” لە سەرۆکایەتى زانکۆی پۆلیتەکنیکى سلێمانى لە ٢٢/١/٢٠١٥ ەوە دامەزراوە و لە پەیکەرى ڕێکخستنى زانکۆدا لە ژێر چەترى یاریدەدەرى سەرۆکى زانکۆ بۆ کاروبارى زانستى و خوێندنى باڵادایە. ئەم بەڕێوبەرایەتییە چەند خزمەتگوزارییەکی جیاوازی بواری IT و ئامار و پرۆژەى بەرزکردنەوەى ڕانکى نیشتمانى زانکۆ بە لیژنە و ئەلیکترۆنیکردنى زانکۆ سەرپەرشتى دەکات و ڕێکى دەخات. هەوەها سەرپەرشتی کردنی تەکنیکی سیستمی ERP ی زانکۆ.
بەڕێوەبەرایەتی تەکنەلۆجیای زانیاری و ئامار لە ناو زانکۆی پۆلیتەکنیکی سلێمانیدا چەند بەرپرسیارێتییەک لە ئەستۆ دەگرێت. لەوانە:
- بەرپرسیارە لە بەڕێوەبردنی ئایتی زانکۆ. دڵنیای دەدات لە کارکردنی ڕێک و پێکی سیستەمی کۆمپیوتەر و تۆڕەکان و بەرنامەکان و سەرچاوە تەکنەلۆژییەکانی تر. سەرەڕای ئەوەش، پشتگیری تەکنیکی و هاوکاری پێشکەش بە ستافی زانکۆ دەکات.
- بەڕێوەبەرایەتییەکە شیکاری ئاماری بۆ کۆکردنەوە و لێکدانەوەی داتاکانی پەیوەست بە لایەنە جیاوازەکانی زانکۆ ئەنجام دەدات.
- سەرپەرشتی و هەماهەنگی ئەو پڕۆژانەی ئایتی و ئامار دەکات کە لە لایەن بەشە جیاوازەکانی ناو زانکۆوە ئەنجام دەدرێن. وە ڕۆڵێکی گرنگ دەگێڕێت لە پلاندانان بۆ پڕۆژەکە و تەرخانکردنی سەرچاوە و چاودێریکردن و بەرەو پێش بردنی پرۆژەکە.
-
گرنگی تەواو دەدات بە ڕیزبەندی نیشتمانی زانکۆ. کاردەکات بۆ جێبەجێکردنی ستراتیژییەکان بۆ بەرزکردنەوەی ڕیزبەندی زانکۆ.
بەرێوەبەرایەتى “تەکنۆلۆجیاى زانیارى و ئامار” ئامانجى بەرزکردنەوەى ئاستى زانکۆیە , بۆ گەیشتن بە ئاسێتکی رێکخراوەیی و سیستماتیکى بەرز وە دڵنیا بوون لە ڕاپەڕاندنى ئیش و کارەکانى مامۆستایان و فەرمانبەران و خوێندکاران لە ڕێگەى دابین کردنى خزمەتگوزارییە ئەلکترۆنییەکانەوە لە هەر شوێنێک بێت . ئامانجێکى تر دابینکردنی چارەسەرى پێویست و خێرایە بۆ گشت ستافى زانکۆ و بتوانیت لە رێگەى ئەکاونتەکەتەوە داتاکانت بەکاربهێنێت لە هەر شوێنێک بیت .
پەیکەرى بەرێوەبەرایەتى
هۆبەى سایتى زانکۆ
دابین کردن و ئاسانکاری لە پرۆسەی توێژینەوە و خوێندن و فێربوون و وانەووتنەوە و بەرزکردنەوەى رانکى زانکۆ دەکات لە ڕێگەى چەند خزمەتگوزارى بۆ نموونە :دانانى ئیمەیڵ ى زانکۆ بۆ گشت مامۆستایان و خوێندکاران , خزمەتگوزاریی فێرکاریی ئەپەکانی گووگڵ Google Apps for Education , خزمەتگوزارى پلاتفۆمى فێربوونى ئەلیکترۆنى E-learning Platform و Google Classroom . وە هەروەها گەشەپێدان و دروست کردنی ماڵپەڕ و رێکخستن و سەرپەرشتی کردنی ماڵپەڕى تایبەت بە زانکۆ و گشت کۆلێج و پەیمانگاکان و سەنتەر و بەڕێوەبەرایەتیەکانى سەرۆکایەتى زانکۆ و گۆڤارى زانستى و چالاکییەکانى کۆنفرانس.
بۆ پەیوەندی کردن: webmaster@spu.edu.iq
هۆبەى کۆمپیوتەر و نێتۆرک
سه‌رپه‌ریشتكردن و چاككردنه‌وه‌ى کۆمپیوتەر و نێتۆرك و ئینته‌رنێتى سه‌رۆكایه‌تى وە به‌شدارى كردن به شێوه‌ى (راوێژكارى یاخود ئه‌ندامێتى )ى په‌یوه‌ندیدار به‌لیژنه‌كانى بوارى كۆمپیوته‌ر بۆ گشت زانکۆ وە هەروەها ئەنجامدانى پرۆژەکانى نێتۆرک بۆ سەرۆکایەتى و زانکۆ
بۆ پەیوەندی کردن: network.unit@spu.edu.iq
هۆبەى ئامار
سەرپەرشتیکردن و رێکخستنى ئامارى زانکۆ بە گشتى و وەلامدانەوەى نووسراوى پێویستى وەزارەتى خوێندنى بالا وە وەرگرتن و توحیدکردنى ئامارى فەرمانبەران و مامۆستیان و خوێندکارانی زانکۆ و دروست کردنی چارت و هێڵکاری بە پێ ى پێویست. ئامادەکردنی ئامار بە پێی پێویست.
بۆ پەیوەندی کردن: statistic@spu.edu.iq
هۆبەى کتێبخانەی ئەلکترۆنی
دابینکردنی سەرچاوەی ئەلکترۆنی (کتێب، گۆڤار، توێژیەنەوەی زانستی، تێزی ماستەر و دکتۆرا) بۆ مامۆستایان و خوێندکارانی خوێندنی باڵای زانکۆمان کە ئەمەش هاوکارە لە بەرزکردنەوەی ئاستی زانستی زانکۆ.
بۆ پەیوەندی کردن: elibrary@spu.edu.iq
خزمەت گوزارییەکانی بەڕێوەبەرایەتی IT
چاککردنی کۆمپیوتەر و بەرنامەکەنی کۆمپیوتەر و نێتۆرک
داواکاری لە ڕێگەی فۆڕمێکەوە دەبێت کە لە هۆبەی نێتۆرک بەردەستە.
دروست کردنی ئیمەیلی زانکۆ
ستافی زانکۆمان دەتوانن داواکاری پێشکەش بکەن بۆ دروستکردنی ئیمەیلی زانکۆ، لە ڕێگەی هۆبەی IT کۆلێج و پەیمانگاکان.
بۆ پەیوەندی کردن: emailserver@spu.edu.iq
دروستکردنی پرۆفایلی ئەکادیمی بۆ مامۆستایانی زانکۆمان
مامۆستایانی زانکۆمان دەتوانن داواکاری پێشکەش بکەن بۆ دروست کردنی پرۆفایلی ئەکادیمی تایبەت بە خۆیان لە رێگەی هۆبەی IT کۆلێج یان پەیمانگا وە. بۆ ئەمەش پێویستە سەرەتا مامۆستایان ئیمەیلی زانکۆیان هەبێت و پاشان CV بە زمانی ئینگلیزی بنێرن بۆ هۆ بەی IT کۆلێج یان پەیمانگا کە ئەم زانیاریانە لە خۆ بگرێت(ناوی سیانی وەک پاسپۆرت نوسرابێت، نازناوی زانستی، ئەو کۆلێج یان پایمانگایەی وانەی تیا دەڵێتەوە، بەشی زانستی، ئەو وانانەی کە لە لایەن مامۆستاکەوە وتراوەتەوە یان دەوترێتەوە، توێژینەوە زانستییەکانی مامۆستا، چالاکی زانستی، ئیمەیلی زانکۆ، هتد…)
بۆ پەیوەندی کردن: profile@spu.edu.iq
دروستکردنی ERP User
زیاد کردنی بەکارهێنەرانی سیستەمی هاتوو ڕۆشتووی زانکۆمان بۆ بەشە کارگێڕییەکانی زانکۆمان، کە داواکارییەکان لە ڕێگەی بەڕێوەبەرایەتی کارگێری زانکۆمانەوە دەبێت.
گووگڵ فۆڕم
دروست کردنی Google Form ی تایبەت بە کارەکانی زانکۆ لە پێناو بە ئەلکترۆنی کردنی کارەکان و ئاسانکاری لە کارەکان.
بۆ پەیوەندی کردن: ict@spu.edu.iq
بەڕێوەبەرایەتی تەکنەلۆجیای زانیاری و ئامار
بەڕێوەبەر: م.ژانا فیداکار محمد
ناونیشان: سەرۆکایەتى زانکۆی پۆلیتەکنیکى سلێمانى/ نهۆمى سێ یەم
سلێمانى/ قڕگە-شەقامى ورمێ-گەرەکى ماردین ٣٢٧ – کۆلانى ٧٦ پشت بەنزینخانەى ولات
ئیمەیل: ict@spu.edu.iq
