خوێندکارانی ئامادەیی پێنجوێنی تێکەڵاو بە گەشتێک سەردانی پەیمانگای تەکنیکی هەڵەبجە دەکەن

ئەمڕۆ ٥/ ١٢/ ٢٠٢٢ بەگەشتێکی زانستی، خوێندکارانی ئامادەیی پێنجوێنی تێکەڵاو سەردانی پارێزگای هەڵەبجەیان کردو سەرەتا پەیمانگای تەکنیکی هەڵەبجەیان بەسەرکردەوە و لەلایەن سەرۆکی بەشی شیکاری نەخۆشیەکان و ل.هۆبەی ڕاگەیاندن و چالاکییە گشتییەکان، پێشوازیان لێکرا. سەرەتا لە هۆڵی سیمینار خوێندکارانی میوان لە چەند دێڕێکدا بە پەیمانگای تەکنیکی هەڵەبجە ئاشناکرا و دواتر بە گرووپی جیاجیا سەردانی هەریەک لە تاقیگەکانی ( کیمیا و هیماتۆ لۆجی و نێرسین )یان کردو مامۆستایانی بەشی پەرستاری و شیکاری نەخۆشییەکان چەند زانیارییەکی بەسوودیان بەخشییە خوێندکاران.