كۆبونه‌وه‌ی ئاسایی ژماره‌ 5 ی ئه‌نجومه‌نی زانكۆ به‌ڕێوه‌چوو

پێشنیوەڕۆی سێشەممە ڕێکەوتی 2022/11/29 کۆبوونەوەی ئاسایی ژمارە ٥ی ئەنجومەنی زانکۆی پۆلیته‌كنیكی سلێمانی به‌ڕیوه‌چوو لە سەرۆکایەتی زانکۆ، گفتوگۆی چڕوپڕ لەسەر کۆمەلێک پرسی زانستی و ئەکادیمی کرا. لە بەشێکی تردا جەختکرایەوە لەسەر ئامادەکاری و دەستپێکردنی تەواوی کۆلێج و پەیمانگەکان بۆ تاقیکردنەوەکانی میدتێرمی خوێندکاران. هەرەوەها سەرۆکی زانکۆ جەختی کردەوە کە ڕەزامەندی لەسەر تەواوی داواکاری و داخوازی کۆلێج و پەیمانگەکان دەربڕیوە لە بارەی پێداویستییە گرنگەکانی هۆڵ و تاقیگە و ئامێر و پێداویستیەکانیتر. ئاماژەش بە ئامادەکارییەکانی ئەو کۆلێج و پەیمانگەیانە درا بۆ جێبەجێکردنی پڕۆسەی بۆڵۆنیا لە ساڵی خوێندنی ئایندە و ئەنجامدانی وۆرکشۆپ و سیمیناری زانستی بۆ بەشە هاوشێوەکانی پەیمانگەکان بۆ دەستنیشانکردنی پڕۆگرام و کریدیتەکان. لە کۆتاییدا جەختکرایەوە لەسەر ئامادەکاری زانکۆ بۆ ئامادەکردنی پلانی ساڵی 2023 کە تەواوی خواست و داواکاریەکانی کۆلێج و پەیمانگەکان لەخۆ بگرێت.