وۆرکشۆپی ( گازی شل LPG لەپێناو خۆشگوزەرانیدا و ڕێکارەکانی خۆپاراستن) کۆتایىهات

پاش زنجيرە سيمينارێك و دوو ڕۆژ بەردەوامبوون، ئێوارەی ئەمڕۆ کاتژمێر 4:30 لە کۆنگرەیەکی ڕۆژنامەوانیدا وۆرکشۆپی (گازی شل LPG لەپێناو خۆشگوزەرانیدا و ڕێکارەکانی خۆپاراستن) له‌ هۆڵی پیرەمێرد لە سه‌رۆكایه‌تی زانكۆی پۆلیته‌كنیكی سلێمانی، کۆتایىهات. سەر لەبەیانی ئەمڕۆ بەئاماده‌بوونی پ.ی.د.هوشیار عه‌بدوڵا سه‌رۆكی زانكۆى پۆليتەكنيكى سلێمانى و پ.ی.د.عه‌تا شێخ كه‌ریم ڕاگری كۆلێجی ته‌كنیكی ئه‌ندازیاری و ژماره‌یه‌ك له‌ مامۆستایان و فه‌رمانبه‌رانی زانكۆ و پسپۆڕان و شاره‌زایان ئه‌و بواره‌، پێنج سیمیناری زانستی له‌سه‌ر بەکارهێنانی گازی LPG و سیستمی شۆڤاژ پێشكه‌شكران. دوانیوەڕۆ لەلایەن لیژنەی زانستيی کۆلێجەوە، چوار لیژنە لە کەسانی پسپۆڕ و شارەزا لە ناو کەرتی حکومەت و کۆمپانیا ئەهلییەکان پێکهێنرا لەژێر ناوی ( ليژنەى: صیانە و سەلامەتی، پێگەیاندنی کەسانی پسپۆڕ و شارەزا لە بواری سیستمی گاز، پێدانی مۆڵەت بۆ دانان و ئیشپێکردنی سیستمی گاز، دیزاین و تێستکردنی سیستمی گاز ) بۆ ماوەی دوو کاتژمێر لیژنەکان لە کۆبوونەوەدا بوون و ڕاوبۆچوونی خۆیان تۆمارکرد و دواتر لە ڕێگەی لیژنەی زانستیی وۆرکشۆپەکەوە ڕاسپاردەکان لەلایەن ئامادەبووانەوە دەنگی پێدراو لە کۆنگرەیەکی ڕۆژنامەوانیدا ڕاسپاردەکان ئاراستەی حکومەتی هەرێمی کوردستان کرا.