پەیمانگای تەکنیکی هەڵەبجە پێشوازی لە خوێندکارانی خوێندنگای سەیرانی میرزا محمدی کچان کرد
ڕۆژی دووشەممە ٢١/ ١١/ ٢٠٢٢ بەگەشتێکی زانستی خوێندکارانی خوێندنگای سەیرانی میرزامحمدی کچان لە سلێمانی سەردانی پارێزگای هەڵەبجەیان کرد و سەرەتا پەیمانگای تەکنیکی هەڵەبجەی زانکۆی پۆلیتەکنیکی سلێمانییان بەسەرکردەوە.
سەرەتا لەلایەن مامۆستا سیامەند احمد قادر یاریدەدەری ڕاگری پەیمانگا بۆ کاروباری خوێندکاران و کارگێڕی پێشوازیان لێکراو لە هۆڵی سیمینار بەئامادەبوونی سەرۆکی بەشیکاری نەخۆشییەکان، کورتەیەکی لەسەر پەیمانگای تەکنیکی هەڵەبجە بۆ خوێندکاران خستەڕوو، دواتر بە گرووپی جیاجیا سەردانی هەریەک لە تاقیگەکانی ( کیمیا و هیماتۆلۆجی و نێرسین )یان بەسەرکردەوە و مامۆستایانی بەشی پەرستاری و شیکاری نەخۆشییەکان چەند زانیاریەکیان بەخشییە خوێندکاران و دواتر لەلایەن خوێندکارانەوە چەند پشکنینێک بە پراکتیکی ئەنجامدران.
لە بەرامبەردا مامۆستایان و خوێندکارانی خوێندنگای سەیرانی میرزا محمدی کچان سوپاسی پەیمانگایان کردو هیوای سەرکەوتنیان بۆ خواستن.
This shortcode LP Profile only use on the page Profile
