لە رۆژی جیهانی شەکرەدا پەیمانگای تەکنیکی دەربەندیخان چالاکی تەندروستی ئەنجام دەدات

ئەمڕۆ 2022/11/14 بەبۆنەی ڕۆژی جیھانی نەخۆشی شەکرەوە، خوێندکارانی بەشی پەرستاری پەیمانگای تەکنیکی دەربەندیخان بەھاوکاری ھۆبەی سەلامەتی و تەندروستی پەیمانگا و بەڕێوەبەرایەتی تەندروستی و سەلامەتی لە سەرۆکایەتی زانکۆی پۆلیتەکنیکی سلێمانی، ھەستان بەھەڵمەتی ھۆشیاری تەندروستی لەبارەی نەخۆشی شەکرەوە، ھەروەھا چالاکی زانستی پشکنینی نەخۆشی شەکرە لە فەرمانگە حکومییەکان و ناوشاری دەربەندیخاندا. شایەنی باسە ساڵانە بەشە تەندروستییەکانی کۆلێج و پەیمانگەکانی سەر بە زانکۆمان لە یاد و بۆنە تەندروستییەکاندا چەندین چالاکی جۆراوجۆر ئەنجام دەدەن.