یاریدەدەری سەرۆکی زانکۆ بۆ کاروباری خوێندکاران پەیمانگای تەکنیکی بەکرەجۆی بەسەرکردەوە
لە چوارچێوەی بەدواداچوون بۆ بەرنامە و کاروباری خوێندکاران لە کۆلێج و پەیمانگاکانی سەر بە زانکۆ، ئەمڕۆ دووشەممە ٣١ تشرینی یەکەمی ٢٠٢٢، د.بەختیار عبێد شەریف یاریدەدەری سەرۆکی زانکۆی پۆلیتەکنیکی سلێمانی بۆ کاروباری خوێندکاران، پەیمانگای تەکنیکی بەکرەجۆی بەسەرکردەوە.
لە سەردانەکەیدا یاریدەدەری سەرۆکی زانکۆ بۆ کاروباری خوێندکاران لەگەڵ د.کامل صابر ڕاگری پەیمانگا و یاریدەرەی ڕاگری پەیمانگا و لێپرسراوی بەشە ناوخۆییەکان کۆبوویەوە بۆ تاوتوێکردنی کاروباری خوێندکاران لە بەرنامەی خوێندنی ساڵانە و دابینکردنی پێداویستییەکانی بەشەناوخۆییەکان و چارەسەرکردنی کێشەکانیان.
لە بەشێکی دیکەی سەردانەکەیدا یاریدەدەری سەرۆکی زانکۆ بۆ کاروباری خوێندکاران لەگەڵ نوێنەری خوێندکارانی پەیمانگا کۆبوویەوە بەمەبەستی لەنزیکەوە ئاگاداربوون لە گرفتەکانی خوێندکاران و دابینکردنی پێداویستیەکانیان.
لە درێژەی بەدواداچوونەکاندا د.بەختیار عبید شەریف ئاماژەی بەوەدا بەپێی توانا هەوڵ دەدرێت کاروبارەکان لە چوارچێوەی زانکۆی پۆلیتەکنیکی سلێمانی و بەدواداچوون لە رێگەی وەزارەتی خوێندنی باڵاوە بەڕێوەبچێت، لەوانە تەواوکردنی پرۆسەی خوێندنی ساڵانە بەسەرجەم لایەنە تیۆری و پراکتیکەکان و هەروەها هەوڵدان بۆ بەردەوامی لە دابینکردنی دەرماڵەی خوێندکاران.
لە کۆتاییدا یاریدەدەری سەرۆکی زانکۆ بۆ کاروباری خوێندکاران سەردانی بەشە ناوخۆییەکانی پەیمانگای کردو لەنزیکەوە بەدواداچوونی کرد بۆ پێداویستی بەشە ناوخۆییەکان و دابینکردن و چارەسەرکردنی پێداویستیەکان.
This shortcode LP Profile only use on the page Profile
