خولی فوتسالی ساڵانەی خوێندکارانی زانکۆ دەستیپێکرد
ئەمڕۆ دووشەممە 2022/10/24 بەچاودێری پ.ی.د.هوشیار عەبدوڵا سەرۆکی زانکۆی پۆلیتەکنیکی سلێمانی و بەسەرپەرشتیکردنی لیژنەی ئامادەکار کە پێکهاتبوون لە نوێنەری هەرچوار کۆلێجی تەکنیکی (ئینفۆرماتیک – کارگێڕی- ئەندازیاری – تەندروستی ) لە یاریگای فوتسالی کەمپی کۆلێجە تەکنیکییەکانی زانکۆ لە چوارچرا دەستیپێکرد.
یەکەم یاری خولەکەش لە نێوان هەردوو تیپی ( تەکنیکی میدیا – تەکنیکی گەیاندن ) ئەنجامدرا بەئەنجامی پێنج گۆڵ بەرامبەر سێ گۆڵ تەکنیکی میدیا یارییەکەی بردەوە، یارییەکانی دیکەی خولەکە لە ڕۆژانی داهاتوودا بەردەوامی دەبێت.
شایەنی باسە ساڵانە بەئامانجی ڕەخساندنی کەشێکی وەرزشی و وەرگرتنی ئاسودەی دەروونی خولی فوتسال بۆ خوێندکاران دەکرێتەوە، ئەمساڵیش بەچاودێری سەرۆکی زانکۆ و بەسەرپەرشتی لیژنەی سەرپەرشتی بەڕێوەدەبرێت.
This shortcode LP Profile only use on the page Profile
