بڕوانامه‌ی خولی فێركاری زمانی ئینگلیزی به‌خشرایه‌ ژماره‌یه‌ك فێرخواز

له‌ سه‌رۆكایه‌تی زانكۆی پۆلیته‌كنیكی سلێمانی، ژماره‌یه‌ك فێرخواز بڕوانامه‌ی خولێكی فێركاری زمانی ئینگلیزییان پێبه‌خشرا. ئه‌مڕۆ سێشه‌ممه‌ رێكه‌وتی 20ی ئه‌یلولی 2022 له‌ هۆڵی پیره‌مێردی سه‌رۆكایه‌تی زانكۆ و به‌ئاماده‌بوونی پ.د.سۆران ئه‌بوبه‌كر یاریده‌ده‌ری سه‌رۆكی زانكۆ بۆ كاروباری زانستی و خوێندنی باڵا و د.هۆگر محه‌مه‌د به‌ڕێوه‌به‌ری سه‌نته‌ری نێوده‌وڵه‌تی زمانی ئینگلیزی، بڕوانامه‌ی خولی فێركاری زمانی ئینگلیزی به‌خشرایه‌ 34 فێرخوازی به‌شدابووی خوله‌كه‌ كه‌ ئاستی ( PRE-INTERMEDIATE ) به‌سه‌ركه‌وتوویی ته‌واوكردووه‌. له‌ وته‌یه‌كدا به‌ڕێوه‌به‌ری سه‌نته‌ری نێوده‌وڵه‌تی زمانی ئینگلیزی به‌ سایتی زانكۆمانی راگه‌یاند: له‌پێناو پێشخستنی ئاستی ئه‌كادیمی زمانی ئینگلیزی فێرخوازان، زانكۆمان به‌پێی پێویست ساڵانه‌ چه‌ند خولی فێركاری زمانی ئینگلیزی ده‌كاته‌وه‌ و ئه‌م خوله‌ش ماوه‌ی 6 هه‌فته‌ی خایاند و 100 كاتژمێر وانه‌ به‌ فێرخوازان وترایه‌وه‌ له‌لایه‌ن مامۆستایان و پسپۆڕانی سه‌نته‌ره‌كه‌مانه‌وه‌ كه‌ ئه‌مڕۆ 34 فێرخوازی سه‌ركه‌وتوو بڕوانامه‌ی خوله‌كه‌یان پێبه‌خشرا، به‌ناوی سه‌رۆكایه‌تی زانكۆ و سه‌نته‌ره‌كه‌مانه‌وه‌ پیرۆزباییان لێده‌كه‌ین و هیوای سه‌ركه‌وتنیان بۆ ده‌خوازین.  

[learn_press_profile]