جێگری فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێم پیرۆزبایی له‌سه‌رۆكی زانكۆ كرد
به‌مه‌به‌ستی پیرۆزبایی ده‌ستبه‌كاربوونی سه‌رۆكی نوێی زانكۆی پۆلیته‌كنیكی سلێمانی، دابان عبدالكریم شه‌ده‌ڵه جێگری به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستان سه‌ردانی سه‌رۆكایه‌تی زانكۆی كرد.
ئه‌مڕۆ پێنجشه‌ممه 7 ی ته‌مموزی 2022 پ.ی.د.هوشیار عبدالله عزیز سه‌رۆكی زانكۆی پۆلیته‌كنیكی سلێمانی پێشوازیكرد له دابان عبدالكریم شه‌ده‌ڵه جێگری به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستان و به‌ڕێزیان چه‌پكه گوڵی پیرۆزباییان پێشكه‌ش به سه‌رۆكی زانكۆ كرد به‌بۆنه‌ی ده‌ستبه‌كاربونیه‌وه‌و هیوای خواست سه‌ركه‌وتوبێت و په‌یمانی هه‌رهاوكارییه‌كیدا كه له‌سنوری ده‌سه‌ڵاتی ئه‌واندا بێت.
سه‌رۆكی زانكۆش به‌خێرهاتنی گه‌رمی ناوبراوی كرد و خۆشحاڵی خۆی ده‌ربڕی به‌سه‌ردانه‌كه‌و دوپاتیكرده‌وه هه‌موو هه‌وڵێك ده‌ده‌ن بۆ به‌رزكردنه‌وه‌ی ئاستی زانستی خوێندكاران و مامۆستایان و له‌و سۆنگه‌یه‌شه‌وه هه‌ردوولا هاوڕابوون كه زانكۆكان له‌ڕێگه‌ی وه‌زاره‌تی خوێندنی باڵاو توێژینه‌وه‌ی زانستییه‌و فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستانه‌وه هاوكاربن بۆ ئه‌وه‌ی زه‌ماله‌ی خوێندنی زیاتر بۆ فێرخوازان ده‌سته‌به‌ر بكرێت و هاوكاری بكرێن بۆ ئه‌وه‌ی له ووڵاته جیاوازه‌كانه‌وه ،پسپۆرییه ده‌گمه‌ن و پێویسته‌كان بۆ خزمه‌تی پرۆسه‌ی خوێندنی باڵا له هه‌رێمی كوردستان به‌ده‌ست بهێنرێت.
This shortcode LP Profile only use on the page Profile
