سه‌رۆكی زانكۆ پێشوازی له به‌ڕێوه‌به‌ری فڕۆكه‌خانه‌ی نێوده‌وڵه‌تی سلێمانی كرد
ئه‌مڕۆ دووشه‌ممه 27ی حوزه‌یرانی 2022 پ.ی.د.هوشیار عه‌بدوڵا عه‌زیز سه‌رۆكی زانكۆی پۆلیته‌كنیكی سلێمانی پێشوازیكرد له ئه‌ندازیار ( تاهیر عه‌بدوڵا قادر ) به‌ڕێوه‌به‌ری گشتی فڕۆكه‌خانه‌ی نێوده‌وڵه‌تی سلێمانی.
له‌دیدارێكدا به‌ڕێوه‌به‌ری گشتی فڕۆكه‌خانه‌ی نێوده‌وڵه‌تی سلێمانی پیرۆزبایی وه‌رگرتنی ئه‌ركی نوێی له پ.ی.د.هوشیار عه‌بدوڵا عه‌زیز وه‌كو سه‌رۆكی زانكۆ كردو چه‌پكه گوڵی پیرۆزبایی پێشكه‌شكرد و هیوای سه‌ركه‌وتنی بۆ خواست.
لای خۆیه‌وه سه‌رۆكی زانكۆ خۆشحاڵی خۆی بۆ سه‌ردانه‌كه‌ی به‌ڕێوه‌به‌ری گشتی فڕۆكه‌خانه‌ی نێوده‌وڵه‌تی سلێمانی ده‌ربڕی و ڕایگه‌یاند كه به‌پشتیوانی و هاندانی هه‌موولایه‌ك هه‌وڵه‌كانیان ده‌خه‌نه‌گه‌ڕ بۆ پێشخستنی زانكۆو پرۆسه‌ی خوێندن و ئاستی ته‌كنیكی و زانستی خوێندكاران.
This shortcode LP Profile only use on the page Profile
