دیداری چاپتەری (ACI Kurdistan) بەڕێوەچوو

بە ئامادەبوونى ڕاگری کۆلێجی ئەندازیاری، لە زانکۆی سەڵاحەدین دیداری چاپتەری (ACI Kurdistan) لە لایەن پەیمانگای کۆنکرێتی ئەمریکی بەڕێوەچوو. ئەمڕۆ سێ شەمە ١٤-٦-٢٠٢٢ لە هۆڵی کۆچەر بیرکار لە سەنتەری ڕۆشنبیری زانکۆی سەڵاحەدین، دیداری چاپتەری (ACI Kurdistan) لە لایەن پەیمانگای کۆنکرێتی ئەمریکی بە بەشداری زانکۆ ئەهلی و حوکمییەکانی هەرێمی کوردستان و سەندیکا و یەکێتی ئەندازیاران و چەند پسپۆڕێکی بواری ئەندازیاری بەڕێوەچوو. لە دیدارەکەدا (پ.ی.د.عطاء شێخ کەریم) ڕاگری کۆلێجی تەکنیکی ئەندازیاری و ژمارەیەک لە مامۆستایانی زانکۆو توێژەران و بەرپرسانی حوکمی ئامادەبوون. سەرەتا د.عومەر قەرەنی سەرۆکی بۆردی کوردستان چاپتەر، ووتەیەکی پێشکەشکرد لەبارەی گرنگی دیدارەکەوە. ڕاگری کۆلێجى تەکنیکی ئەندازيارى  ئاماژەی بەوەدا: “ئەمە کۆکردنەوەی هەموو توانا ئەندازیارییەکانە لە کەرتی گشتی و تایبەت لە یەک ڕێکخراوی ناحکومیدا، کە ڕێكخراوێكى قازانج نەویستە كار دەكات بە مەبەستی ڕاهێنانی ئەندازیاران و سەرپەرشتیارانی پرۆژەکان و ئاشناکردنیان بە ستاندارد و کۆدی جیهانی لە کاتی جێبەجێکردنی پرۆژەکاندا و لە کۆتایيشدا گەیشتن بە کۆد و ستانداردی تایبەت بە هەرێمی کوردستان.” لە دیدارەکەدا خوێندکارە سەرکەوتووەکانی پێشبڕکێی پرۆژەی ACI خەڵات کران. هەروەها سێ presentation لە ديدارەكەدا پێشکەش کران: -Presentation 1: Health Monitoring of Concrete Modified With Nantechnology -Presentation 2: Concrete Repair, Rehabilitation and Retrofitting using FRPComposites -Presentation 3: Advanced Research Topics and Practical Applications لە کۆتايی دیدارەکەشدا گفتوگۆیەکی کراوە بەڕێوەچوو.